Offside › Набрзинка

5-та победа по ред за Гого и шанса да се бори за светската титула

30 јануари 2023

Горјан Славевски ја доби и 5-та борба во БКФЦ (шампионатот во бокс без ракавици), откако кон крајот на 4-та рунда судијата одлучи да им стави крај на маките на неговиот противник, досега непоразениот, Јосденис Цедено на БКФЦ 35.
Со победата, Славевски доби право следната борба да му биде директно за титулата во велтер категорија против сегашниот шампион Луис Паломињо.
Од вкупно 5 борби на Гого, четири борби се во рок од шест месеци. Последната борба ја имате тука, почнува на 3 часот и 45 минути.

View this post on Instagram

A post shared by Gogo Gorjan Slaveski (@gogo_braveheart)

6 ноември 2025

Македонската фудбалска репрезентација на 18 ноември има директен дуел против Велс на гости за пласман на втората позиција која носи во баражот за СП 2026.
Велшаните претходно играат со Лихтенштајн и со 6 бода би биле втори во група. Милевски нема да може да смета на Џани Алиоски, а Белами на Арон Ремзи.
„Очекуваме да го победиме Лихтенштајн и нема да се срамам да го кажам тоа. Со Македонија ќе биде поинаков натпревар, но чувствувам дека имаа среќа што не загубија досега“, вели селекторот на Велс.

6 ноември 2025

Кулминираат квалификациите за Светско првенство 2026, а Македонија уште го живее сонот дека може да стигне до Мундијалот кој следната година на лето ќе се одржува во САД, Мексико и Канада.
Македонија прво ќе игра контролен натпревар, пријателска средба против Летонија на 13. ноември на домашен терен а за 18-ти ноември е закажано најважниото соочување - против Велс на гости во Кардиф.
Овој дуел е означен како директна пресметка за второто место и баражот. Белгија игра против Казахстан дома и Лихтенштајн на гости па веројатно е дека Белгијците ќе го сочуваат првото место.
Денеска селекторот Благоја Милески го соопшти списокот од 28 фудбалери на кои ќе смета за двата натпревари. Поради повреда отпадна Езѓан Алиоски а во репрезентацијата се враќаат Бојан Димоски, Лирим Ќамили и Кристијан Трапановски.