Трипл дабл без промашување, Вилт Чемберлен и Никола Јокиќ, толку се

Нема многу време за сумирање и правење осврти за неговите игри. Само што ќе објавиме нешто за овој човек, следува нова негова неверојатна партија, како да е најнормално и најлесно така да се игра и доминира во НБА.

Денвер Нагетс ги уништи Мемфис со 37 поени разлика или 142:105, благодарение неуморниот Јокиќ кој стигна до трипл дабл број 11 оваа сезона.

Србинот оствари учинок од 26 поени, 14 скока и 10 асистенции и тоа за само 30 минути игра. Немаше потреба Мајк Мелоун повеќе да го троши, бидејќи гостите немаа никакви шанси да се вратат. 

Јокиќ овој пат успеа по трет пат во кариерата да оствари трипл дабл без да промаши шут од поле. Заедно со Вилт Чемберлен се единствени во историјата на НБА кои го повториле овој подвиг.

Тој не само што немаше промашување од поле, туку од сите позиции беше перфектен: 11/11 од поле, 3/3 од слободни и 1/1 за три поени.

29 декември 2023 - 08:43

Штета ако сте пропуштиле

Како се сука театарска пита?

Зошто некои нема да излезат?

Уште еден удар врз брачниот секс

Сектата на Џани