Пукна сензација на Европското, Грузија го сруши европскиот првак

Уште во првото коло од групата Ц се случи големо изненадување на Евробаскетот. Поранешниот селектор на Македонија, Александар Џикиќ слави голема победа над Шпанија.

Грузијците убедливо ја совладааа Шпанија со 14 поени разлика 83:69, која на турнирот пристигна како бранител на титулата и еден од фаворитите.

Тоа е така само на хартија. Грузија, предводена од Џикиќ, кој ја водеше Македонија пред 10 години, беше подоабр противник и заслужено славеше. Шпанците замислете, само еднаш беа во водство.

Најдобар поединец во историскиот триумф на Грузија беше Сандро Мамукелашвили кој одигра феноменален натпревар со 19 поени, 7 скока и 6 асистенции.

Гога Битадзе и Торнике Шенгелија му помогнаа со 15 и 13 поени, а прв стрелец за шпанската репрезентација беше Ернангомез со 13 поени.

Инаку избраниците на Александар Џикиќ ги загубија сите шест пријателски натпревари пред турнирот, но кога најмногу требаше демонстрираа огромна борбеност и дисциплина и го урнаа четирикратниот европски првак.

Шпанија, пак, изгледаше непрепознатливо особено на слободните фрлања, а овој пораз ќе биде голем аларм за селекторот Скариоло и неговите играчи.

За Грузија, ова е голема победа и чекор кон пласман во втората фаза. Во второ коло ги чека дуел со Италија.

Шпанците мора на вториот меч да бркаат победа против Босна и Херцеговина ако сакаат да останат во игра за висок пласман.