Непобедливата Атланта Хокс славеше и на 27-от натпревар од последните 29 средби и е најуспешниот тим во НБА лигата со скор 34-8. Нивната најнова жртва беше Детроиот Пистонс кој го поразија со 93:82. Перо Антиќ имаше лоша шутерска вечер, но партиципираше со 5 скока и една асистенција. Творци на победата беа Пол Милсап и Мајк Скот со по 20 постигнати поени. Двоцифрениострелаа и Ал Хорфорд со 14 и Корвер со 13 поени.
Кошаркарите на Голден Стејт го декласираа Денвер со 122:79 за 16 победа по ред на домашен терен. За прв пат во историјата на клубот, 13 играчи одиграа по најмалку 10 минути. Дебаклот на Нагетси се надзираше уште по првиот дел кога губеа 55:28, а најдобар поединец беше Клеј Томпсон со 22 поени.
Во најинтересниот меч на Источната конференција Кливленд славеше над Чикаго Булс со 108:94 и стигна до трета победа по ред со скор 22-20. Леброн Џејмс запиша 26 поени, Смит имаше 20, а Ирвинг 18.
Фантастична вечер синоќа имаше Џејмс Харден кој постигна 45 поени во победата на Хјустон над Индијана од 110:98.
Забивањето на Џордан Кларксон
Тројката на Ник Јанг од фаул
Топ 10 потези:
РЕЗУЛТАТИ:
Голден стејт – Денвер 122-79
Мемфис – Далас 95-103
Хјустон – Индијана 110-98
Њујорк – Њу Орлеанс 99-92
Кливленд – Чикаго 108-94
Милвоки – Торонто 89-92
Шарлот – Минесота 105-80
Вашингтон – Филаделфија 111-76
Атланта – Детроит 93-82
ЛА Клиперс – Бостон 102-93
