Луис Енрике синоќа го немаше во комбинација незаменливото напаѓачко трио поради тоа што Нејмар беше суспензиран, ама Барса успеа и без него да слави на Ел Класико. Атмосферата по победничкиот гол на Меси со селфи видео од Нејмар.

Фудбалерите на Шкупи и Вардар се сретнаа во дербито на колото во македонскиот шампионат кое мина во знакот на една провокација, идентична како онаа во Белград пред три години кога навивачите се тепаа со играчите.

Само 6 минути му беа доволни на Езџан Алиоски и во третото коло по ред да стигне до погодок во швајцарскиот фудбалски шампионат. Македонскиот репрезентативец е во страшна серија од 5 гола на изминативе три меча и во моментов има вкупно 15.

На мечот Ламиа - Пансераикос од грчката втора лига, линискиот судија или се запил узо или има проблеми со видот. Трето нема.

Кога последен пат сте виделе натпревар кој завршил 2:0 да го реши голманот со два автогола и тоа идентични? На Дејвид Стокдејл од Брајтон, кој од следна сезона ќе го гледаме во Премиер лига едноставно џабе е и да му кажеа пази леѓа.

Сезоната 2006/2007 во ЛШ беше сезона на Милан кој стигна до седмата европска круна. Тогаш го имаа извонредниот Кака кој заврши како најдобар стрелец со 10 гола. По повод неговиот 35 роденден ќе издвоиме на еден од нив, оној во полуфиналето на Олд Трафорд кога ги исфрли од игра Евра и Хајнце.

Во финишот од дуелот со Андерлехт, Мурињо извади од џеб мал предмет и го бакнуваше. После мечот новинарите го прашале што е таинствениот предмет кој го бакна пред Маркус Решфорд да го даде решавачкиот гол.

Баскиецот е еден од ретките играчи кои соработувал со Мурињо, Гвардиола, Анчелоти и Рафа Бенитез. Уште од мал бил повлечен и скромен, неприметлив, но најкорисен на теренот. „Има GPS во главата“, вели неговиот прв тренер во Сан Себастијан.

На 21 април 2009 година Андреј Аршавин го одигра најдобриот меч во својата кариера. Епскиот дуел меѓу Ливерпул и Арсенал од Премиер лигата заврши 4-4, а Русинот ги даде сите голови за „Топџиите“.

По денешната ждрепка за ЛШ, стандардно еден час потоа ги дознавме и полуфиналните двојки за Лига Европа.

Јувентус ќе игра против Монако во полуфиналето од ЛШ, а Буфон ќе го брани голот од Мбапе. Според возраста тоа ќе му дојде како да играат татко против син. Џиџи има 39 години, а Калиан 18. Денот кога се роди малиов, се играше дуелот Емполи - Парма 3:5 на кој Буфон го оствари својот 108-ми настап за Млекарите.

По невообичаено 15 минутно доцнење беа извлечени двојките за полуфиналето во Лигата на шампионите. Јувентус имаше среќа, Атлетико Мадрид ич.

Иако според звучноста на клубот, играчите и тренерот веројатно повеќето Македонци го посакуваат Манчестер Јунајтед на 8 август во Скопје, сепак и да ја освојат Лигата на Европа, нивната ѕвезда број 1 тешко дека ќе биде во комбинација за настап. Првичните информации се дека Златан Ибрахимовиќ синоќа против Андерлехт скинал лигаменти, а тоа значи пауза до есен. Тоа е огромен проблем за Мурињо до крајот на сезоната со оглед на тоа што е прв стрелец со 28 гола на сите натпреварувања.

Милан го имаше Малдини, Интер го имаше Занети, Челси го има Џон Тери, еден и единствен со вкупен 22 годишен стаж на Стемфорд Бриџ или што би се рекло цел живот. Си заминува како лидер, легенда и икона на клубот во кој ако имаше место сигурно ќе играше до крај. Емотивен збогум со капитенот.

Тим кој не и даде да писне на Барселона во 180 минути и ја елиминираше без примен гол веројатно е кошмар за секого во полуфиналето од ЛШ. Според квалитетот на екипите Реал – Јуве би било финале пред финалето.

Ако после дебаклот од 3:0 во Торино следниот ден Меси од револт тренирал настрана од екипата, тогаш по испаѓањето веројатно и едвај чека да заврши сезонава.

Откако лани беше јунак на титулата на Лестер, Французинот со африкански корени сезонава има најсериозни шанси да ја добие наградата „Играч на сезоната“ во Премиер лига.

Првпат во историјата на европските натпреварувања во четвртфинале на три од четири меча се играа продолженија. На крајот среќата на страна на: Aјакс, Јунајтед и Лион кои ѝ се придружија на Селта Виго. Златан тешко се повреди на крајот од мечот.

Дуелот меѓу Реал и Баерн е само уште еден нов повод за лавина на реакции во јавноста која се прашува зошто волку се греши и зошто во целост не се користат сите можни технологии кои би го спречиле хаос како оној во ЛШ. Проблемот е што самата УЕФА тера инат на новата технологија.

По ручекот, фудбалерите на белгискиот шампион во пресрет на реваншот со Јунајтед на „Олд Трафорд“ решиле да се загреваат во локалниот парк.

Шпанската Гранада во Примера е како неодговорен студент кој сака да ги реши испитите. Во последните пет години „Насриди“ редовно се спасуваа од испаѓање во понизок ранг а тенденцијата продолжи и сезонава.

Селекцијата на Бразил е синоним за Пеле, Роналдо, Ривалдо, Ромарио, Роналдињо, Нејмар, Кака и останатите фудбалери специјалисти за дриблинг. Арно ама оваа земја вади и врвни дефанзивни фудбалери кои секоја година се со пехар од Лига на шампиони во раце.

Манчестер Јунајтед е главен фаворит, но Лион се поставува како најреална закана, додека Селта Виго сака да ја продолжи неверојатната шпанска доминација во ова натпреварување.

Носталгичари за оној Милан од кој до пред неколку години не можеше секој да го облече дресот, ќе ве потсетиме на еден од најубавите или можеби најубав гол на Пирло кој шутираше од соблекувална. Од тука обично дава топки со очи, ама овој пат направи исклучок и ги остави без зборови Ибрахимовиќ и Роналдињо.