Мауаса Фету од Рен денеска на понеделнички тренинг за домашно ќе добие вежбање слободни удари, а за Бентакур не знаеме што да искоментираме. Од тоа што се гледа е дека и ја подаде на трибината.

Ноншарлантниот изведен пенал на Кеси паѓа во вода затоа што Милан го тресна јако Јуве со 0:3, а Френк Кеси во еден момент со опасен потег им го зема паметот на Де Лихт и Рабио.

Стразбур и Монпеље дадоа вкупно 5 гола и на крај победија гостите со 2:3. Во 49' минута Монпеље водеше 0:3 по чудесните ножички на Гаетан Лаборд.

Во малото дерби на шпанскиот фудбал, Еспањол и Леванте одиграа 1-1. Резултатот го отвори нашата Наташа Андонова која постигна супер гол и го прослави во стилот на Кристијано Роналдо.

Мислевме дека со две ни е рекорд, ама една година после циркузот на векот во Ѓорче Петров, имаме уште еден нов циркуз на векот, овој пат со три топки. Шкендија во финишот дава гол за конечни 3:4 против Македонија Ѓорче Петров, а децата од страна фрлаа топки за да им ја спречат контрата на гостите. Македонската прва СЕЛСКА лига пуштена на најјако.

Феноменална победа на Милан во дербито на колото против Јувентус на гости од 0:3. Старата дама е на колена и дефинитивно е во криза која може да ја плати со неиграње во Лига на шампиони.

Снименa е на еден куп локации низ Македонија со еден куп фаци, што познати, што рандом кои се пријавиле за да бидат дел химната која го одбележува историскиот момент на нашата фудбалска репрезентација. Убаво го спакувале. Се вика „Одиме на Европско првенство“.

Можеби ќе ја препознате по га... На Роналдно жена му де, Георгина.

Каква сезона беше тоа во Премиер лигата. Шамар за гигантите, парите, елитата. Па и за творците на Суперлигата. На денешен ден пред точно 5 години, цел град горд и срце полно. Преубава приказна.

Бразилската ѕвезда во ПСЖ е далеку од тоа што е на пример еден Меси за Барселона, се согласувате нели? Пазете ги сега овие бројки. Ништо не се менува во однос на победи кога тој е во составот, напротив кога го нема во тим помалку губат. Можеби неочекувано, ама вистинито.

Непишаното правило дека за да се биде голман треба посебна „дарба“, не само талент за фудбал, одлично се гледа и по примерот на еден легендарен романски голман кој влезе во легендата по необична пенал серија во финале на Куп на европски шампиони.

Унаи Емери треба да го добие трофејот во Лига Европа во траен посед. Како тренер играл во овој турнир седум пати, до полуфинале стигнал шест пати а пет пати во финале.

Убави вести пристигнуваат од Негорски Бањи, каде во моментов се рехабилитира најголемата голманска легенда на Вардар, Драган Мутибариќ.

Луда работа е ова што се случи во Мароко. Ќе изгледаш и ќе помислиш дека секој може да биде голман, а не е така.

И славната фејсбук страница „Селски фудбал“ сигурно ќе се изненади што случкава не се случува во селска лига. Не другари, ова е во првата романска лига и тоа во таборот на второпласираниот Клуж. Синоќа славеа на гости против Академика, ама си заборавија еден играч по име Овидиу Хобан.

Убаво е кога ќе налета човек на вакви јаки моменти од фудбалскиот времеплов, инаку како би се потсетиле на пример на еден ваков мега дуел меѓу Барселона и Баерн Минхен на кој Меси со еден потег го легна Боатенг на земја, ама буквално. Се случи на денешен ден пред шест години.

Види го ти мангуп, а ќе речеш мал е, 21 година има. И тоа со Рамос и Крос си поигра.

Најголемиот јунак на полуфиналните дуели во Лига на шампиони, Ријад Марез постигна три гола во двомечот со ПСЖ и го однесе Сити во финале. Неговиот пат до врвот е многу интересен.

Не постои тренер во светот кој не би го посакал ова човече во тим. Европа држи многу јаки играчи во среден ред, ама Н`Голо Канте е нешто посебно. Фасцинантноста кај него е што е ултра корисен и клучен на големите натпревари.

Еден од најјаките твитови на годината го има познатата авиокомпанија Рајанер која му направи толку добар трол на Мурињо, човек да се подзамисли дали стварно ова се они или Troll Football.

Во 2019-та дојде во Реал Мадрид и таму го потепаа повреди. Пропушти повеќе од 50 натпревари поради 10 повреди (389 дена беше надвор од терените). Одигра само 40 меча во сите турнири, даде само 7 гола и намести 4. А Реал го плати 100 милиони евра плус бонуси со кои може да стигне до 140 милиони евра.

Во четвртфиналето на Купот на Мароко, ФАР Рабат на пенали ја победи трофејната Раџа Казабланка. Претходно мечот заврши 1-1 а израмнување на Рабат му донесе Омар Жерари со пеколен волеј од 35 метри.

Во 3. коло од групната фаза на Копа Либертадорес, бразилски Интернасионал со 6-1 ја растури Олимпија од Парагвај. Најубав гол на мечот беше последниот за домаќините во 80' минута. Стрелец Каио Видал.

Откако првиот меч во Мадрид заврши 1:1, вечерва на „Стемфорд Бриџ“, Челси го совлада Реал со 2:0 и заслужено ќе игра во големото финале на Лига на шампиони против Манчестер Сити.