Ривалството е големо, ама и пријателството. Делеа врвни мигови заедно во Барселона, па дури еднаш за натпревар меѓу двете нивни репрезентации, Нејмар му рече ај со мојот авион накај дома. Честитки за среќниот Меси, утеха за скршениот Нејмар. Убави и поучни се ваквите моменти.

Босна одговара царот дека ќе освоела Европско, а кога го праша репортерката кој му е фаворит, вели не знам. Потоа ги извади наочарите за да поентира.

На свои 34 години, после 5 обиди и 3 порази во финале на Копа Америка, Лионел Меси го оствари својот голем сон и стигна до пехарот со својата Аргентина. И тоа среде Рио Де Жанеиро.

Во финалето на највредниот фудбалски турнир на Јужна Америка, Аргентина го совлада Бразил со 1:0 и после цели 28 години стигна до драгоцениот пехар по кого Лионел Меси тргнуваше 5 пати од кои 3 пати губеше во финале.

По долга пауза, Милан се враќа во новата сезона во Лига на шампиони. Три фронта не се наивна работа. Ако на Ибра му треба засилување во напад, може Иван Газидис да му се придружи. Погледнете каков егзекутор е.

По напорната сезона со Баерн, која му продолжи во јуни на ЕП со Полска, Роберт батериите ги полни на Сардинија. Ама го познаа и му се собраа еден куп деца, а тој реши да им го направи филмот и дотеран во кошулче ја грабна топката.

Италијанска новинарка го прашува Барела да и ја опише магичната ноќ од Мундијалот 90-та. Знам дека си имал тогаш само 7 години му вели таа, а тој и одговара дека се родил 7 години подоцна, односно во 97-ма. Само 14 години е нејзиниот промашај..

Сергеј Самсоненко е минато во најтрофејниот фудбалски клуб во Македонија. Нов сопственик е компанијата „Блу скај инвестментс“ на чело со Слободан Крстевски. Тренер Горан Симов кој доаѓа од Силекс.

Финалистите на ова ЕП, на 11 октомври 1997-ма во Рим играа квалификациски натпревар за Светско. Имаме снимка во која Герет Саутгејт му влага со две нозе на Енрико Киеза, а овој го бутка со две раце од нервоза. 

Дебел, тетовиран, пијан и гол. Нели? И крајот се знае каков ќе биде, ама не ви го кажуваме.

Една од најславните дански фудбалски фигури покрај Питер Шмајхел е и Михаел Лаудруп. Се појави една стара и не баш позната сторија за него поврзана со Европското 92-ра. Толку е ова некако како што се вели “со крстот на чело“, што дури и не знаеме дали да веруваме дека било вака.

Да сме ние во прашање би ја сквернавеле со ајвар, едно 15 ќебапи и пол кило кромид, ама сега им оставиме простор на финалиститите да видиме како тие би ја одиграле заедно. Секој според својата кујна нели?

Во неговата играчка ера англискиот фудбал важеше за најлуд: со ексценричниот Гаскоњ, хулигани на многу страни и груба игра на сите терени. Но во таков амбиент Гарет Саутгејт уште од рана возраст се двоел од другите по својата култура, речитост и писменост.

Фативме да му броиме колку пати кажа дај Џорџо, дај Џорџо, дај Џорџо. 47 пати, а едно време на сец го фати. Тоа е таа италијанска страст за фудбал додека Жоржињо го изведуваше пеналот против Шпанија вреден финале.

Автогол. Тоа е “фудбалерот“ кој треба да ја добие Златната копачка на овој турнир. Им бега 6 гола на Роналдо и Шик, а може да го стигне само Кејн, ама ако даде 7 гола во финале.

По беспрекорно организирано Европско, во средата вечер се случи прва голема судиска грешка која што ја изреволтира јавноста. Данска е грубо оштетена за непостоечки пенал и тоа среде продолженија.

Ниту една петка во школо, ниту една симпатија, ниту еден одмор со другарките, ништо не е повозбудливо од чувството да имаш оригинален дрес кој го носел некои од твоите идои. Хит стана нејзината реакција.

Гори Твитерот и Фејсбукот после големата судиска неправда која синоќа и се случи на Данска. За пеналот реагираат и медиумите и разни фудбалски имиња, а кога веќе работата е завршена некои почнаа и да се мајтапат со моќта на Англија.

Со гол од одбиена топка по одбранет контроверзен пенал во продолженијата, Англија се пласираше во големото финале на Европско првенство. За време на изведувањето на Кејн, на голманот Шмајхел му светеа со ласер од трибините.

Ние се смееме на мак фудбалот, кога неодамна имаше циркузи со повеќе од една топка на терен, а тоа да ти проаѓа глатко и на едно Европско првенство и тоа во полуфинале.

Актуелниот шампион на Хрватска го совлада Валур од Исланд со 3:2 во првото квалификациско коло за ЛШ. Адеми даде два гола, промаши пенал за хет-трик, а неговиот колега од одбрана Расмус Лауритсен имаше реакција за која како да ви кажеме.

Динамо Загреб со триумф ја започна новата сезона во квалификациите за ЛШ, а во центарот на вниманието е македонскиот репрезентативец кој за жал промаши пенал и пропушти златна шанса за хет-трик.

Вембли е во транс, а и цела Англија откако нивните фудбалери за прв им го пружија задоволството да ги гледаат во финале на Европско првенство. Иако беа фаворити се изнамачија и дури во продолженија ја елиминираа Данска. Израмнија со автогол, а победија со многу контроверзен пенал.

Полуфиналето во Данска се гледа во секое ќоше, па дури и на улица меѓу две згради. Данец кој го следеше мечот од дома, сконта дека на навивачите надвор бајаги им касни преносот, па им ги снимаше реакциите прво кога се радуваа за 1:0, а потоа кога беа очајни поради автоголот на Кјаер.