Бразилецот Хозе Рожерио де Оливеира Мело му покажа на Ибрахимовиќ дека и тој може да си ја намести од далеку како него и да го изведе најатрактивниот потег во фудбалот. Се работи за мечот Пумас - Толука во мексиканското првенство. Уживајте.

Хари Мегваер е приказна за себе. Во август 2019-та година Манчестер Јунајтед за него плати 80 милиони фунти со што стана најскапо платениот стопер на сите времиња. Мегваер стана капитен на Јунајтед и репрезентативец на Англија, ама со тек на време стекна репутација на најбосиот дефанзивец во англискиот фудбал. Со право навивачите го сметаат за еден од најголемите кривци за бледите резултати на Манчестер.

Убавината на Мундијалите е што се играат на четири години, па затоа навивачите со нетрпение го очекуваат секое следно Светско првенство. Обидите на ФИФА да го направи на две години не наидоа на добар одјек во јавноста, но светската куќа на фудбалот не се откажува од намерата дополнително да го претовари фудбалскиот календар. Еве зошто го уживаме секое Светско на кое се надеваме дека годинава ќе игра и нашата Македонија.

ПСЖ одигра 1:1 на гостувањето против Лион, кој сезонава игра слабо и е 11-ти. Но Парижаните се комотни на врвот со +11 пред Ница и Марсеј. Ама комотен со топка синоќа беше и Пакета кој даде гол и си поигра со Марко Верати.

Виљареал и Атлетико Мадрид одиграа 2:2 во 20. коло од Ла Лига, а мечот го отвори Анхел Кореа кој во 10 минута од средбата му кажа на голманот на домаќините, дека треба да стои каде што му е местото.

После пет месечна пауза 34-годишниот Арда Туран им се врати на терените. На мечот на неговиот Галатасарај со Ѓиресунспор (0:1), некогашната ѕвезда на Атлетико Мадрид и Барселона влезе во игра во 62’ минута и ги запрепасти гледачите, коментаторите и сите присутни со својата тежина.

Фудбалерите на Наполи ја задржаа третата позиција во Серија А откако со 1:0 славеа дома против Сампдорија. 90 минути за Елмас. Атракција на Петања во стилот на Ибрахимовиќ.

Фудбалерите на Леванте се изнамачија сезонава и дури во 20. коло успеаа да стигнат до првиот триумф во шпанскиот шампионат. Барди не постигна гол, ама направи маестрална акција по која следуваше маестрална асистенција.

Манчестер Сити ја оправда фаворитската улога против Свиндон во ФА Купот, кој го совлада на гости со 1:4. Мајсторијата на мечот ја има Илкај Гундоган кој покажа дека џабе е и стоење и лежење на жив ѕид. 

Тргна храбро во дуел со двајца, ги изеде и потоа издрибла сè што му застана на патот. Најдобриот гол во Бундеслигата за 2021-ва е прогласен оној на Герит Холтман на дуелот Бохум - Мајнц.

Серија А ја стартуваше 2022-ра со четири одложени натпревари поради многу позитивни од Ковид. Една од средбите која се игра е Сасуоло - Џенова, на која Андриј Шевченко се обидува да стигне до деби победа како тренер на Џенова. Резултатот го отворија гостите уште во 7 минута преку атракцијата на Матиа Дестро. Пандев е на клупа.

Го донесоа како еден од најголемите таленти во Шпанија за кој на Севиља и платија 25 милиони евра плус Ерик Ламела. Тоа е Брајан Хил, роден 2001-ва. Погледнете го како игра еден на еден. Скроз го измести.

Италијанските медиуми потсетуваат на 5 јануари 1997-ма и дуелот Интер - Рома, на кој Јури Џоркаеф се надмина себе си на Сан Сиро. За ремек делото доби честитки и од судијата Чезари и тоа веднаш после голот. Неверојатна акробација.

Романскиот фудбал вади посебни приказни, уникатни, кои ги има само кај нив и никаде на друго место. 2022-ра ја почнаа со нова таква, поврзана со тренер кој се презива Наполи и кој доаѓа на местото на Василица.

А што ако играчот од жив ѕид не ја тргнеше главата на страна?

Главниот судија погоре, линискиот до него, никој ништо не суди, што значи можело со кошаркарски финти во фудбал. На крај успеа да го деконцентрира и не ни прими топка.

Срцето на Данецот не му дозволува да се повлече од фудбал на 29 години. Вели дека не му е пречка да продолжи и сонува само за една работа. Настап на Мундијалот во Катар.

Ова да го направеше во дресот на Манчестер Сити, веројатно ќе лапаше награди. Вака за Алжир, во Африкански Куп на нации остана некако подзаборавен, а не влезе ниту во топ 3 во битката за Пушкаш наградата 2021. Тој што го чуваше од Зимбабве не можел да се смири од вртоглавици.

Не му барам дрес, не му барам автограм, ниту го замарам да се сликаме. Сон Хјунг Мин му го направи денот на еден од најмладите фанови на Тотенхем. Толку само требаше.

Манчестер Јунајтед неуспешно ја стартуваше 2022-ра, со пораз дома од Вулверхемптон од 0:1 и сега е седми на 4 бода зад четвртата позиција. Мечот го реши Жоао Мутињо во 82-ра минута, а во последниот миг од средбата, трепера срцата на Олд Трафорд.

Да водиш 5:0 и да пробуваш нешто ајде, ама ова глупирање се случи во пенал серија за тоа кој оди понатаму во Куп на Франција. Пациентот се вика Елиот Симое и треба да биде среќен што неговиот Нанси успеа да го мине Рен на пенали. Инаку ова е за ластици и греење клупа.

Не бил само лудачкиот волеј празник за очи од страна на Хрватот на дербито против Ливерпул. Погледне го како ја залепи оваа тешка топка за смирување, а потоа и дуелот со Фабињо, кој е пишман што го нападна.

Изненадувачки резултати во Шпанија во пост новогодишното коло. Хетафе го совлада Реал Мадрид, а третопласираниот Бетис загуби дома од Селта. Јаго Аспас го реши мечот, ама и покажа голема почит.

Французите на 2 јануари фатија да играат Куп натпревари. Брест го совлада Бордо со 3:0, а Роман Фавр немаше исаф за кичмата на голманот.