И тоа се случи! Марио Балотели го промаши првиот пенал во својата сениорска кариера. Јунакот кој го одбрани првиот пенал по 20 успешни реализации во серија е Пепе Реина при победата на Наполи на гостувањето кај Милан од 1:2.

Во изминатите седум денови видовме многу прекрасни голови на фудбалските терени за време на натпреварите од националните и континенталните првенства, а ова се најдобрите десет од нив.

И да врне и да вее викендов ич да не ви е мака. Заборавете ја малку работата, откажете го состанокот со девојката, грабнете го далечинскиот управувач и опуштете се со фудбал. Следува најголемиот спортски викенд што можевме да го посакаме, преполн со дерби мечеви.

Откако домашните навивачи се жалеа, а гостинските им фаќаа сеир за тивката атмосфера на стадионот Олд Трафорд, Манчестер Јунајтед ќе собере на куп 1.400 најгласни навивачи расположени за пеење.

УЕФА ја потврди кандидатурата на Македонија која со својот најголем стадион се кандидираше за домаќин на еден од натпреварите на револуционерното Европско првенство. Но колку е логично еден ваков фудбалски собир да се одржува исто време во 13 држави?

Швајцарецот Адмир Мехмеди кој е роден во Гостивар, наместо херој по постигнатиот гол за Фрајбург, стана трагичар откако им ја подари топката на фудбалерите на Либерец кои израмнија за конечни 2:2. Летово Мехмеди се „прослави" и со едно промашување на Олимписките игри.

Тренерот на Борусија Дортмунд, Јирген Клоп беше избркан од натпреварот против Наполи во Лигата на шампиони заради недоличното однесување, по што второто полувреме го догледал преку ТВ заедно со хаусмајсторот на стадионот Сан Паоло.

Единствениот фудбалски клуб што никогаш нема испаднато во втората италијанска лига - Интер викендов ќе го одигра 2700. натпревар во Серија А.

Ножички, петица, паненка, рабона, шкорпион удар... сè тоа е веќе видено и досадно. Фудбалерот на резервниот тим на Спарта Прага, Давид Ховорка постигна гол со газ и тоа намерно.

Првото коло од второто по квалитет клупско европско натпреварување донесе неколку изненадувачки резултати. Бугарскиот тим Лудогорец го посрамоти ПСВ на гости, а на домашен терен беа изненадени и фудбалерите на Валенсија од Свонси со убедливи 3:0. Демири со тимот на Сент Гален тргна победнички.

Најголемиот мозок за фудбалски местенки Тан Сет Енг од Сингапур кој веќе подолго време се бараше со меѓународна потерница конечно и падна на полицијата в раце. Со помош на неговата криминална мрежа се верува дека наместил над 600 натпревари и заработил 58 милиони долари.

Откако минатата сезона пишувавме за осуммина наши претставници во Лигата на Европа, од вечерва тоа ќе го правиме само за двајца, Мухамед Демири кој со тимот на Сент Гален е домаќин на руската екипа Кубан Краснодар и Бојан Марковски со Аполон Лимасол го пречекува тимот на Трабзонспорт.

Членовите на УЕФА се сложни околу тоа дека Светското првенство кое во 2022-та година ќе се одржи во Катар, мора да се одигра во зимскиот период.

Легендарниот голман на англиската фудбалска репрезентација, Дејвид Симан денес го слави својот 50 роденден. Ние како големи почитувачи на ликот и делот на Дејвид Симан, би сакале да ја искористиме оваа прилика и да му го честитаме јубилејниот роденден со еден видео клип.

Челси беше шокиран од клубот кој веќе неколку сезони ги освојува симпатиите на љубителите на фудбалот, но за добрите познавачи ова замрсување на сметките на европските гиганти не претставува сензација. Нашите клубови треба да учат од примерот на Базел како тие станаа сериозен европски клуб.

Наполи ја совлада Борусија на дербито од првото коло во кое сите фаворити освен Челси славеа победи. Пандев настапи од 77-та минута, а Даниел Георгиевски ги одигра сите 90 минути при поразот на Стеауа на гостувањето кај Шалке.

Борусија Дортмунд имаше лошо прво полувреме против Наполи во кое домаќинот поведе, Вајденфелер доби црвен картон, а Хамелс се повреди, по што тренерот Јирген Клоп збесна и му се истури на помошниот судија.

Иако е многу рано за ваков тип на статистика шпанските медиуми веќе почнаа детално да ја анализираат досегашната работа на Каталонците под водство на Херардо Мартино. До сега таа покажува дека со помалку пимплање на топката фудбалерите на Барселона се поефикасни.

Актуелниот шампион во Премиер лигата може само да се пофали со завршената работа за изминатите 12 месеци. Покрај титулата во минатата сезона, клубот остварил рекорден приход од 363 милиони фунти и им ги зголемил платите на фудбалерите.

Двајцата наши претставници во најелитното клупско европско натпреварување имаат пред себе два големи германски предизвици. Во најтешката група Наполи стартува против ланскиот финалист Борусија Дортмунд, а Стеауа го чека дуел со Шалке.

Наш офсајд лик на денот е голманот на Амазулу од Јужна Африка, Тамаву Капини кој со желба да чува време, им подари гол на фудбалерите на Бидвест Витс.

Поранешниот српски репрезентативец ја враќа својата форма со играње за младинците на Бирмингем и на натпревар против врсниците од Лидс постигна прекрасен погодок со волеј удар.

Манчестер Јунајтед го победи Баер Леверкузен со 4:2, а во листата на стрелци се запишаа Робин ван Перси и Вејн Руни (два пати), но освен головите, тие на овој натпревар направија и по едно големо промашување.

Новата сезона во најквалитетното европско клупско натпреварување ќе биде историска. Од оваа сезона стартуваше и младинската Лига на шампиони односно УЕФА младинска лига (UEFA Youth League) во која за сега главни ѕвезди се тренерите.