Роберто Манчини славеше титули со Интер во 2006, 2007 и 2008 година, а со неговиот кам бек се очекува овој тим повторно да атакува на Скудетото. Трите најдобри и најлоши моменти за време на неговата едногодишна работа.

Биографијата на Кристијан Виери ќе излезе претстојниот 20. ноември и ќе има наслов Викајте ме бомбардер. Во неа Бобо раскажува за неговиот живот и кариера.

Во разговор или на некој квиз, многу луѓе би кажале дека најголем стадион на светот е насекаде познатата Маракана во Бразил, но не е така иако овој стадион го држи светскиот рекорд по посета на еден натпревар.

Откако синоќа скоро никој не отиде на стадион, а немаше ниту телевизиски пренос, сите копаа по интернет да ја видат неочекуваната голеада на Македонската фудбалска репрезентација која по нешто повеќе од една година конечни победи.

Кеничи Ито во Јапонија е познат како „човекот мајмун“, а прекарот му е ептен на место. Ние во редакција си признавме дека никој од нас не може да истрча 100 метри за 15,71 ниту со две нозе. Ито тоа го направи со сите четири и влезе во Гинис. Тој претходно сам поставуваше нов рекорд во пет наврати, а лани му го сруши Кацуми Тамакоши со време од 15,86 секунди.

Откако Меси налета на еден портокал и со него жонглираше, ништо покус не остана ниту Диего Марадона и тоа со чевли и костум во сред студио.

„Трајковски влезе во историјата на својата репрезентација. Постигна хет-трик против Црна Гора и стана четвртиот Македонец на кој му успеало тоа достигнување“, е натписот на Медиагол.

Дербито на Јужна Америка во рамките на квалификациите за СП 2018 во Русија доцна синоќа беше одложено поради поројни дождови во Буенос Аирес, каде Бомбониера беше потопена.

Некогашниот светски број еден, Бразилецот Роналдињо вели дека се радува секогаш кога ќе се сети на моментот кога му асистирал на Меси за првиот гол на Аргентинецот во дресот на Барселона.

Новиот селектор на Македонската фудбалска репрезентација имаше деби од соништата. По целата патетика околу резултатите и ранг листата на ФИФА, нашиот национален тим блесна на Филип Втори и ја победи Црна Гора во пријателски меч со 4:1.

Вечерва во 1 по полноќ ако не ви се спие случајно, ви најдовме занимација. Во Буенос Аирес ќе се судрат најголемите ривали од Јужна Америка во 3. коло од квалификациите за СП 2018. Историјатот им почна во 1914-та, а последниот меч го одиграа во 2014-та. Има многу што да се напише за нив.

Кога ја гледаш играта на ПСЖ не треба да ти бега окото само кај Златан. Силна страна во играта на Парижаните е и средниот ред каде веќе четврта сезона гази Италијанецот кој дојде од Пескара.

Beau Jeu или во превод од француски Убавата игра се вика новата фудбалска топка со која ќе се игра Европското првенство во Франција следната година. Еве како изгледаа сите топки за ЕП од 1960-та до денес.

Милан лансираше голман за следните 20 години и време е да дознаеме нешто друго за него освен дека има 16 години.

Нема појак од овој судија, просто да му е криво на човек што видеово завршува за пола минута. Сакаме уште.

Барселона ја има најголемата бројка на талентирани деца, Атлетик Билбао ги има најмногу задржано, а оние на Монако играат најмногу.

Ноемвриското сонце пукна и во Италија, а тренерот на Кротоне, Иван Јуриќ прв реши да го искористи до максимум. Хрватскиот стратег ги изнесе своите фудбалери да тренираат покрај море.

На денешен ден во 1987 година, селекцијата на Југославија во Белград пред 70.000 гледачи ја пропушти последната шанса да се прости од Европските првенства пред да се распадне. Проблемот беше што во првите 25 минути прими четири гола.

Животот ни малку не го галел Нолито. Фудбалерот на Селта Виго и шпанската репрезентација растел без татко и мајка, но стигнал до врвот благодарение на дедо му.

Фудбалската федерација на САД ќе донесе ново правило во фудбалот на овој континент за да ја намали големата бројка на деца кои добиваат потрес на мозок.

Базел губеше на домашен терен 2:3 од Грасхоперс, а при крајот на средбата судиите им подарија корнер. 18 годишниот Брел Емболо им ја исправи грешката и со тоа покажа дека е дете за пример во фудбалот од кој може да се учи фер плејот.

По очајните квалификации на последното место и кусата авантура на Љубинко Друловиќ кој не оствари ни една победа, утре во 18 часот на Филип Втори против Црна Гора, на кормилото на репрезентација ќе дебитира 17-ти селектор.

Италијанците го имаат рекордерот Марко Балота кој на 43 години бранеше во ЛШ за Лацио, ние го имаме Тони Мицевски кој на иста возраст играше, а можеби и уште игра за родното село Поешево, а Јапонците го имаат Миура кој постојано ги поместува границите.

Рикардо, Андреа, Џулио и Федерико се четворица студенти од Перуџа кој еден ден решиле да ги рипнат предавањата и да се спуштат низ Апенините за да ги видат сите стадиони. Резултатот е 2.800 поминати километри за три дена и покана на стадионот во Удине.