Шпалир за Хезус Навас на Бернабеу и аплаузи од цел стадион

18 сезони, 704 натпревари, 49 голови, 4 трофеи во Лига Европа, 2 во Копа дел Реј, Суперкуп на Европа и Суперкуп на Шпанија. Сето ова за еден клуб. Севиља. Во меѓувреме заигра и за Манчестер Сити (2014-2017) со кој освои титула во Премиер лигата и два пати Лига Куп.

Плус светски (2010) и два пати европски првак со Шпанија (2012, 2024). Хезус Навас го одигра последниот меч во кариерата, истера до 39 години, а кралскиот клуб и навивачите го испочитуваа како што заслужува. Легенда и пример за верност.