Со таков учинок, крилото еднакво обдарено со брзина и техника стана цел на многу странски клубови. Во 1997-ма стана играч на Арсенал, екипа во која постигна 10 голови и во првата сезона стана шампион на Англија.
Во 2000. година, Холанѓанецот реши да го одбие силниот Лацио и се пресели во Барселона за сума од 40 милиони евра. Во Каталонија, Марк имаше релативен успех само во првата полусезона, а понатаму го спречуваа повредите. Извесно време навивачите на Барселона забораваа дека во составот имаат играч по име Марк Овермарс. Пример за тоа е фактот што за 4 години во Шпанија, Овермарс не освои ниту еден трофеј.
По завршувањето на сезоната 2003/2004, Барселона го раскина договорот со Холанѓанецот, а во летото 2004-та Овермарс играше на ЕП во Португалија. Тука се заврши кариерата на фудбалерот кој се предаде поради хроничните болки во коленото. Крај стави на 31 година.
Во 2008-ма, 35 годишниот Овермарс неочекувано му се врати на фудбалот и одигра цела сезона за Го Ахед Иглс во втората холандска лига. Доби понуди од Холандија и Германија, но ги одби сите поради болки во коленото.
Во 2012-та, фантастичното крило стана технички директор на Ајакс, а веќе во мај следната 2013-та се ожени за девојката по име Шантал која му роди два сина, Френки и Ник, и двајцата тренираат фудбал. Покрај работата со фудбалот, Овермарс активно е вклучен во работата на ланец ресторани, вложува пари во изградба на деловни и станбени објекти, а им помагал и на неговиот татко и брат во реставрацијата на стари автомобили.
