Ждрепката ја водеше генералниот секретар на УЕФА Џорџо Маркети а куглите со имињата на тимовите ги извлекуваа легендите Диего Форлан и Кака.
ГРУПА А: АТЛЕТИКО МАДРИД, БОРУСИЈА ДОРТМУНД, МОНАКО, БРИЖ.
ГРУПА Б: БАРСЕЛОНА, ТОТЕНХЕМ, ПСВ АЈНДХОВЕН, ИНТЕР.
ГРУПА Ц: ПСЖ, НАПОЛИ, ЛИВЕРПУЛ, ЦРВЕНА ЗВЕЗДА.
ГРУПА Д: ЛОКОМОТИВ МОСКВА, ПОРТО, ШАЛКЕ, ГАЛАТАСАРАЈ.
ГРУПА Е: БАЕРН МИНХЕН, БЕНФИКА, АЈАКС, АЕК АТИНА.
ГРУПА Ф: МАНЧЕСТЕР СИТИ, ШАХТЈОР, ЛИОН, ХОФЕНХАЈМ.
ГРУПА Г: РЕАЛ МАДРИД, РОМА, ЦСКА МОСКВА, ВИКТОРИЈА ПЛЗЕН.
ГРУПА Х: ЈУВЕНТУС, МАНЧЕСТЕР ЈУНАЈТЕД, ВАЛЕНСИЈА, ЈАНГ БОЈС.
Првите натпревари од групната фаза ќе се играат на 18 и 19 септември. Второто коло на 2 и 3 октомври, 3 коло на 23 и 24 октомври, 4 коло на 6 и 7 ноември, 5 коло на 27 и 28 ноември, 6 коло на 11 и 12 декември. Елиминационата фаза со осминафиналето ќе се игра на 12 и 13 февруари следната 2019 година.
Финалето е предвидено за 1 јуни (сабота) на стадионот „Естадио Метрополитано“ во Мадрид.
Во склад со спроведената реформа, во Лига на шампиони сезонава ќе играат по четири тима од четирите најсилни лиги на континентот (Англија, Шпанија, Германија и Италија) и вкупно 32 екипи поделени врз основа на коефицентот на УЕФА.
26 екипи обезбедија директен пласман а шест низ квалификациите. Ниту еден тим не може да игра во групната фаза против клуб од својата земја. УЕФА го потврди правилото дека меѓу себе не можат да играат тимови од Русија и Украина, земји кои биле во вооружен конфликт.
УЕФА одлучи ждрепката во Нион да ја искористи и за доделување за најдобрите фудбалери за минатата сезона. Најдобар голман за минатата сезона беше прогласен Кејлор Навас.За најдобар дефанзивец беше прогласен капитенот на Реал, Серхио Рамос. Уште еден фудбалер од актуелниот европски шампион, Лука Модриќ беше избран за најдобар играч од средниот ред во Европа за минатата сезона.
Очекувано, наградата за најдобар играч од нападот во минатата сезона ја доби Кристијано Роналдо кој не присуствуваше на вечерашната церемонија за што им се извинил на организаторите.
