Интер и Горан Пандев имаат посебна конекција и 14 години после освојувањето на тројната круна. Им беше гостин на Етихад против Манчестер Сити, па дома со Црвена Ѕвезда и синоќа повторно беше на Меаца за да им даде поддршка во живо на тешкиот меч против Арсенал кој го добија со 1:0. Гостуваше и на официјалниот тв канал на клубот.

30 октомври 2004, Лацио - Интер 1:1. Горан е во прв состав на 21 година и игра против Занети, Камбјасо, Станковиќ, Кордоба, негови идни поранешни соиграчи со кои ќе ја освои тројната круна. Во Интер е и Синиша Михајловиќ со тазе направениот трансфер од Лацио. Па уште и Давидс и Верон им се во состав. Какви времиња.

Ова е од сезоната 2022/2023 пред Интер и Милан да се сретнат во полуфиналето од ЛШ. Го имаме објавено, ама мораме пак, во скратена верзија. Мика Ричардс, Анри и водителката му пукаат сеир на Џејми Карагер за англискиот акцент, поради кој Леао не може никако да го разбере. Мика е најјак, до солзи се смееше.

После бомбастичниот старт со голеада и тоа од вкупно 28 комада, втората ноќ од првото коло во Лига на шампиони заврши разочарувачки со вкупно 13 погодоци. Два меча завршија 0:0, меѓу кои дербито Сити - Интер, Селтик пукна петарда, Борусија беше убедлива на гости, а Бојан Миовски го преседе првиот меч од ЛШ на клупа.

Јаден тој. Него супер прошол. Замислете ја сценава со Лацио - Рома или Бока - Ривер.

На Пјаца Дуомо вчера на големо се славеше Скудетото број 20 на Интер. Прославата беше луда и незаборавна и немаше само луѓе.

Со освоени 86 бода на 5 кола до крај и со убедлив и шампионски скор од 27 победи, 5 нерешени и само 1 пораз и гол разлика 79:18, Интер заслужено го слави Скудетото број 20. Нека им е честито.

На 7 кола до крајот на сезоната во Серија А, разликата од 14 бода пред градскиот ривал е недостижна. Интер со Симоне Инѕаги игра фантастично. Има 82 бода, само еден пораз и одличен скор од 75 дадени и 15 примени гола на 31 меч. Титулата број 20 наскоро само ќе ја официјализираат.

TNT Sports Brasil објави видео, за жал само од изведувањето на промашените пенали на Интер. Токму на местото каде се става топката, веројатно има мала празнина во тревната подлога и пред секое изведување, поточно пред самиот удар, кога играчот со едната нога гази врз тревата, таа се подигнува малку. Најмалку тоа се случува со Алексис Санчез, а најмногу кај Лаутаро Мартинез кој ја дува над гол и веднаш погледнува збунето надолу.

Легендарниот Лилиан Турам кој направи голема кариера и стана светски и европски првак со Франција, треба да си го преваспита син му Маркус. Стефан Савиќ ова му го прости синоќа, па дури и на смеа ја истераа работата, ама ваква глупост не би му прошла кај секој.

И покрај тоа што Интер замина со предност во Мадрид и поведе во 33 минута со голот на Ди Марко, се простува во осминафиналната фаза од ЛШ. Гризман и Депај го свртеа мечот на 2:1, а потоа момците на Симеоне беа подобри од белата точка со 3:2. Облак им фати два пенали на Санчез и Класен, а Лаутаро Мартинез ја опали над гол. Борусија го совлада ПСВ со 2:0.

Легендите на Интер синоќа го одиграа пријателскиот меч против легенди собрани од Грузија. Се појави снимка од автобусот каде се екипираат. На менито имаше пиво и смеење за кое беше задолжен наш Горан.

Грузија имаше чест да нагости дел од незапирливата банда на Мурињо која пред 14 години ја освои историската тројна круна, како и некои постари ѕвезди од рангот на Луис Фиго. Прв меч на Гоче 11 на 11 откако е во пензија.

Вака така за два и кусур месеци завршува клупскиот фудбал по кој ќе се префрлиме на репрезентативен во Германија. Ај да не честитаме пред време по луѓе, ама две, па и три од вкупно топ 5 лиги во Европа се скоро решени.

Ланскиот финалист на Лига шампиони игра како во транс. Во 2024-та е неприкосновен и непобедлив против секого и во секое натпреварување. Од септември немаат пораз во Серија А.

Не е лесно да се постигне гол во нокаут фаза од ЛШ, особено не против дефанзивна екипа како Атлетико Мадрид која синоќа немаше ниту еден удар во рамки на гол. Интер се трудеше, притискаше, промашуваше и во 79-та минута се случи експлозија на Џузепе Меаца, која одлично се доловува со овој клип снимен зад гол и во близина на играчите. Пуштете ги звучките појако за да го почувствувате од близу делириумот.

Лидерот во Серија А беше доминаннтен на речиси цел меч против Атлетико Мадрид кој во Милано прикажа дефанзивна игра со 0 удари во рамки на гол. Но момците на Инѕаги се изнамачија и се изнапромашија додека да стигнат до погодок, кој падна дури во 79-та минута, дело на џокерот Марко Арнаутовиќ. ПСВ и Борусија Дортмунд одиграа без победник. И двете осминафинални дуели од ЛШ ќе се решаваат на реваншите.

Неколку факти за најмладиот претседател во историјата на 19 кратниот шампион на Италија.

60% посед на топка, 23 удари од кои 7 во рамки на гол, наспроти 0 удари во гол на Лацио. Интер не само што славеше убедливо 3:0 во полуфиналето од Супер Купот на Италија, туку и тотално ги надигра Лацијалите. Финалето против Наполи е вечерва со почеток од 20 часот. Погледнете ги како везеа и тоа при решен натпревар.

Јувентус vs Интер, снимка пред околу 25 години која го покажува ривалството меѓу двете екипи, кои сезонава се двојат како најсериозни кандидати за Скудетото. На една страна паѓа Роналдо, на другата Дел Пјеро. Судиите на маки што да судат. Немаше тогаш репетиции на монитори, ама затоа фудбалот имаше повеќе душа. Секој секој играч „вреди“ 100 милиони.

Фудбалерите на Интер не ја даваат лидерската позиција, а сериозната трка за титулата ја најавуваат со голема победа над актуелниот шампион Наполи од 0:3. Елиф Елмас доби 75 минути, а потегот на мечот го има Хакан Чалханоглу кој го отвори резултатот во финишот од првиот дел.

Со репрезентативен фудбал се поздравуваме за годинава и се враќаме на клупски, каде во вторник и среда се игра 5. коло од ЛШ. Погледнете на што налетавме. Интер - Порто, групна фаза, 2005-та, без публика. На сцена стапи Хуго Алмеида и го постигна веројатно најстрашниот слободен удар во историјата на ЛШ. Гледајте и слушајте како пукна топов. Неверојатна левица кој тешко се прати со поглед.

Интер го совлада Фрозиноне со 2:0 во 12. коло од Серија А и остана лидер на табела. Цела Италија зборува за голчиштето на Федерико Димарко на кој му измерија дека успеал да го лобува голманот од точно 56 метри.

Симоне Инѕаги е можеби еден од најпотценетите тренери, кој да не заборавиме успеа да го однесе Интер во финале во ЛШ. Погледнете ја оваа шема со многу итриштина. Го враќа Барела како стопер, а важна улога во акцијата изненадно му дава на Ачерби, инаку задолжен за одбрана.