Фудбалерите на Интер со фуриозен старт го добија првото градско дерби 0:2 и тоа со рани голови на Џеко и Михтаријан во 7 и 11 минута. Милан беше ослабен без повредениот Леао и немоќен во речиси цел натпревар. Упати само еден удар во рамки на гол.

Едниот освои Лига на шампиони со Милан, другиот настапуваше за Интер, но и двајцата му даваат предност на истиот тим, исто како и на главниот фаворит за трофејот.

Интер ја потопи Верона на гости со 0:6 и остана четврт на табела. Лаутаро Мартинез го понижи голманот со најслаткиот потег кога ќе ти се укаже ситуација еден на еден, а тоа што го изведе Турчинот, едноставно не се брани.

Наполитанците се спремаат за историја. Лацио поведе во првиот дел против Интер на мечот од 12:30, резултат со кој ќе го одложеше огромното славје во Неапол, но Интер направи пресврт кој беше бурно поздравен од страна на навивачите на Наполи кои рокаа петарди на големо. Со триумф над Салернитана од 15 часот се и математични шампиони.

Пиротехниката е доста корисна алатка за правење шоу на стадион, ама зависи како ја користиш. Навивачите на Бенфика заслужуваат дебела казна за тоа што го правеа на Џузепе Меаца. Ги фрлаа бакљите во публика.

Петти се во лига, моментално надвор од пласман во наредната сезона во ЛШ, а истовремено со една нога се во полуфиналето на актуелната сезона во ЛШ. Како е можно еден ист тим да постигнува толку различни, речиси спротивни резултати?

Бенфика и Баерн се соочуваат со тешки задачи за пласман во полуфинале од ЛШ, откако вечерва ги загубија првите четвртфинални дуели. Историска ноќ за Халанд кој стана прв играч во Премиер лига со 45 гола во една сезона на сите натпреварувања.

Јувентус и Интер ремизираа 1:1 во првата полуфинална пресметка од Купот на Италија која заврши со многу тензија и три црвени картони на крај. Ќе летаат и казни.

Вечерашните противници во Лига на шампиони, последен пат се сретнаа во осминафинале сезоната 2004/2005. Интер на гости одигра 1:1, а дома победи 3:1. На клупа беше Манчини и ги имаше славните Матераци, Ѕанети, Верон, Камбјасо, Станковиќ, како и во тоа време извонредниот Адриано кој блесна со три погодоци.

Фудбалот има посебна моќ. Страст која создава неверојатни врски, како онаа меѓу Матео и Клаудио.

Од 62 трансфери кои предизвикуваат сомнеж кај италијанската федерација и органите на прогонот, дури 42 ги извршил Јувентус. Кјелини за време на короната наводно договорил пари под маса за цел тим, а Де Лихт и Де Шиљо испраќале скриншотови од разговори во полиција и обвинителство.

Интер и Парма одиграа супер интересно осминафинале во Купот на Италија кој го реши дефанзивецот Франческо Ачерби со невообичаен гол со глава. Гостите отворија со голчиштето на Хрватот Станко Јуриќ во првиот дел, а мечот во продолженија го однесе Лаутаро Мартинез дури во 88-ма минута.

Златната копачка има кажано дека трансферот во Интер му е најголема грешка во кариерата, но не сме го слушале до волку да влегува во детаљи за тоа промашено време во Серија А. Почнува од самиот старт кога мистериозно завршил на трибина, па сè до збогувањето со газда Морати кој го затекнал на крај.

Болоња синоќа го налути Интер и откако поведе на Меаца за 50 минути прими 6 комада. Го издвојуваме волејот на Един Џеко и двата гола на Федерико Димарко.

Во недела во која Интер игра со Баерн во ЛШ, за интервју се бара Горан Пандев кој со неодбранлив удар ја замолчи Алијанц арената.

Нова сезона, нови судиски гафови на кои не се имуни ниту судиите кои ги делегираат за елитната Лига на шампини. Дури и Симоне Инѕаги го виде пеналот кој не го видоа оние на кој им е работа да го видат. „Треба да биде тука и да објасни зошто донесе таква одлука“, изјави Чави по мечот.

Интер се рехабилитираше после поразот од Лацио од 3:1, со идентичен резултат на мечот дома против новиот прволигаш Кремонезе. Николо Барела испука бомбастичен проектил кој не се брани.

Се работи за скокотлива и омилена тема, најмногу за навивачите кои водат битки на Фејсбук. Овој пат е претставена на мапа која е направена според тоа за кои екипи се навива најмногу по региони. Води најтрофејниот италијански клуб Јувентус, кој и покрај тоа што е од север, има најголена фан база на југот. По нив се двете екипи од Милано.

Во недела, на 22 мај, во Милано и оваа година ќе има фешта за Скудетото, само уште да се официјализира кој ќе го освои. Милан 83, Интер 81.

Пред ја почне низата од 9 Скудета во низа, Јувентус во сезоната 2010/2011 не успеа да освои трофеј. Купот заврши кај Интер, а Скудетото кај Милан. Сезонава историјата ќе се повтори?

Копа Италија важи за ценето натпреварување кое синоќа на Олимпико го следеа 70.000 публика меѓу кои и многу вип гости меѓу кои Манчини, Липи, Тоти, Виери, Чиро Ферара, Матри...Го освои Интер по осми пат во историјата и по пауза од 11 години, со голема навивачка поддршка и прекрасна кореографија.

Јувентус и Интер приредија шоу на Олимпико во финалето на италијански Куп кое го доби Интер со 2:4 по продолженијата, 2:2 во регуларните 90.

Не се сеќаваме последен пат кога сме го гледале миланското дерби во трка за Скудетото. Трка под притисок, стрес и голема неизвесност која може да ја гледаме до последно коло. Сега Милан е тој што зависи самиот од себе. Ако не киксне ни еднаш, ќе ја врати радоста кај навивачите по пауза од 11 години.

На еден од трите заостанати натпревари од Серија А, Интер вечерва киксираше на гости против Болоња и загуби со 2:1. Остануваат уште четири кола до крај во кои Милан влегува со предност од 2 бода и ако ги добие станува шампион. Иван Перишиќ е пишман што се реши при изведувањето на аутот да му ја подаде на вториот голман Раду кој тешко се избламира.