По последните примери на финансиско крахирање на Портсмут и Лидс, челниците на клубовите од англиската Премиер лига решија да се зауздаат.
Следната недела тие ќе одржат состанок на кој ќе разговараат за нови мерки за ограничување на трошоците.
Клубовите кои се квалификуваат за европско натпреварување се под надзор на УЕФА и нивниот финансиски фер-плеј, но англиските клубови сакаат да воведат свои правила.
Еден од предлозите е ограничување на зголемувањето на платите за 10%. Со оваа рестрикција на зголемувањето на платите ќе се спречат ненормалните барања на фудбалерите и нивните агенти за продолжување и зголемување на нивните договори.
Алтернативен предлог ќе биде ограничувањето на трошоците за плати на 70% од приходот на клубот.
Се очекуваат интересни дебати затоа што Челси, Манчестер Сити и Фулам однапред изјавија дека се противат на овие рестрикции.
