Според најновата ранг листа на ФИФА, македонската фудбалска репрезентација забележа скок од шест места и сега е 71-ва фудбалска земја во светот.
Изненадувачки се наоѓа веднаш зад Русија која клизна четири места, а четири позиции пред нив е Саудиска Арабија со која домаќините го отвораат Мундијалот.
И покрај тоа што бараше, ФФМ не успеа да најде противник за мајските и јунските термини предвидени за пријателски натпревари, но и покрај тоа испадаа цареви на рангот на ФИФА.
Од трите противници во нашата група во Лига на нации, Македонија е многу подобро рангирата. Ерменија се наоѓа на позиција број 100, Лихтенштајн е 180-ти, а Гибралтар 196-ти.
Стартуваме со Гибралтар на гости на 6 септември.
На врвот и натаму е Германија, а во топ влегуваат и Бразил, Белгија, Португалија, Аргентина, Швајцарија, Франција, Полска, Шпанија, Чиле и Шпанија.
