Со ист број на поени од минатиот месец (443), фудбалската репрезентација на Македонија остана на 80-та позиција на мајското рангирање според ФИФА.
Пред нас се репрезентациите на Замбија, Израел и Хаити, а зад нас се пласирани Јамајка, Оман и конкурентот од нашата квалификациска група, националниот тим на Белорусија.
Најдобро рангирана селекција од нашата квалификациска група за ЕУРО 2016 е првопласираната Шпанија, Украина е на 17-та позиција, Словачка е 46-та, a Луксембург на 112-то место.
На врвот на листата нема промени. Зад Шпанија се Германија и Португалија, а Бразил се искачи на четвртата позиција пред Колумбија, Уругвај, Аргентина, Швајцарија, Италија и Грција.
