Капитенот на Македонија слета во Бодрум, има нов клуб

Енис Барди го напушти Трабзоспор, но остана во Турција. Го облекува дресот на Бодрум.

И покрај тоа што имаше шпекулации за кам бек во Шпанија, а се споменуваа и Динамо и Хајдук, Енис Барди одлучи да ја продолжи кариерата во турскиот фудбал.

Македонскиот репрезентативец слета денеска во Бодрум, каде прво треба да оди на лекарски прегледи, па на потпис.

Трансферот го потврди и самиот клуб на социјалните мрежи. Деталите не се познати. Се знае само дека Барди заминува како слободен агент откако Трабзонспорт повеќе не сметаше на него.

Заминува после три сезони во кои имаше 95 настапи и 64 гола.

За него ова ќе биде петти клуб во кариерата, која ја почна во Преспа Бирлик во Шведска. Потоа замина во Ујпешт од Унгарија, а од таму направи трансфер во Ла Лига каде се прослави во дресот на Леванте.

Инаку Бодрум ја игра првата сезоната во турската лига од формирањето и се наоѓа на 16-та позиција. Целта им е да обезбедат опстанок. 

24 јануари 2025 - 14:36

Штета ако сте пропуштиле

Ма каков Оскар, каква Евровизија!

Како сипаниците убиваат 100.000 деца годишно?

Магијата на фармерките на Лидл од 475 денари

Приказната за најубавата божиќна песна на сите времиња