Со завршувањето на 2. коло од Лига на нации, УЕФА прашува кој гол е број 1? Конкуренцијата е голема, бидејќи паднаа четири квалитетни голчишта, а стрелци се Енис Барди, Јусуф Поулсен, Бенџамин Шешко и Ѓорги Кочорашвили. 

Македонската фудбалска репрезентација, колку толку се извади за срамот против Фарски острови и освои многу важни и неопходни 3 бода против Ерменија. Прекината е серијата од 7 меча без победа.

Му тргна на Енис Барди во последно време. Две кола по ред постигнува мајсторски погодок.

Трабзонспор го доби Газијантеп со 4:2 и тоа после голем пресврт во вториот дел. Гостите на полувреме имаа 0:2, но примија 4 комада за само 18 минути. Онуачу постигна хет-трик, а Енис Барди со прекрасен удар го матираше голманот кој немаше шанси.

Со Енис Барди тешко се излегува на крај ако ја зафати убаво од слободен удар. На дуелот против гигантот Фенербахче кој Трабзсонспор го загуби со 2:3, капитенот на Македонија влезе во игра на стартот на второ полувреме и во 62-ра минута го нокаутираше голманот. Ова му е петти гол сезонава.

Три кола откако славеше против Хатајспор, капитенот на Македонија одново е стрелец за Трабзонспор кој по 75 минути игра водеше со 4:1 против Фатих Карагумрук. Барди го израмни резултат во првиот дел со волеј, ама и многу среќа.

Трабзонспор ја заврши лошата серија со триумф над Хатајспор, а еден од најзаслужните за победата беше капитенот на Македонија.

Капитенот на Македонија го одигра цел натпревар против Кашимпаша и му подари маестрална асистенција на Енис Дестан кој го отвори резултатот по 19 минути игра. Но гостите направија пресврт и славеа 2:3. Трабзонспор е трет на табела со 23 бода заостанување зад Фенербахче и Галатасарај.

На цвечената церемонија во Лондон, ФИФА ги додели наградите за најдобрите во изминатата година. Победи Меси кој заврши со ист број на бодови заедно со Халанд.

И покрај тоа што резултатски, како четвртопласирани во група, ова не можат да бидат сметани за успешни квалификации, сепак останува онаа лична сатисфакција за нерешените 1:1 против Италија и Англија. Водството на полувреме синоќа донесе голема радост на преполнетите трибини.

Трабзонспор има големи 3:0 во турското дерби над Бешикташ. Енис Барди не е меѓу стрелците, но е најзаслужен за првиот гол кој го постигна Пол Онуачу. Сè изработи како што треба и му ја даде на тацна.

Во 2016-та водевме 2:1 дома и едвај нè победија, па им одигравме 1:1 во Торино. Лани Трајковски ги потепа, а викендов Барди ги дотепа. Не може да се откачат од нас. Погледнете ги колку се гневни.

Блесок на македонскиот репрезентативец во турскиот шампионат со два страшни проектили кои не се бранат. 

Трабзонспор одигра ефикасен меч на гостувањето против Гиресунспор кој го совлада со 2:4. Енис Барди го постигна погодокот за 0:2 и тоа му е шести сезонава. Инаку на две кола до крај Трабзонспор се шести на табела, без шанси за излез во Европа, а Галатасарај ја осигура титулата број 23.

Трабзонспор одигра 1:1 на гостувањето против Анкарагучи во последното коло пред Мундијалот, а единствениот погодок за гостите го постигна Барди кој реагираше одлично пред гол, како да игра 9-ка. Четврти погодок за македонскиот репрезентативец сезонава во дресот на турскиот прволигаш.

Трабзонспор го декласираше Монако со 4:0 во 4. коло од Лига Европа, натпревар на кој македонскиот репрезентативец, Енис Барди блесна од својата омилена позиција. Знаете кој друг има направено ваква мангупарија така? Роналдињо, Меси и Тони Мицевски. Толку се.

Само 4 минути и беа потребни на Македонија да го најдат патот до голот против аутсајдерот Гибралтар. Поатрактивно не можеше да биде. Уживајте во атракцијата на специјалистот за слободни фрлања, Енис Барди.

Фудбалерите на Леванте одиграа 1:1 на гостувањето против Валенсија, резултат кој не им одговара со оглед на тоа што се на дното на табелата со -6 од испаѓање на 4 кола до крај. Македонскиот репрезентативец Енис Барди го испука можеби најсилниот удар во кариерата, ама немаше среќа, инаку ќе го имаше голот на колото.

Фудбалерите на Леванте се изнамачија сезонава и дури во 20. коло успеаа да стигнат до првиот триумф во шпанскиот шампионат. Барди не постигна гол, ама направи маестрална акција по која следуваше маестрална асистенција.

По пауза од неполни два месеци, Енис Барди постигнува гол за Леванте, за жал недоволен ниту за бод во градското дерби.

И покрај тоа што репрезентативните пресметки за годинава завршија, УЕФА на својот официјален Твитер профил потсетува на некои од најјаките партии на некои играчи. Меѓу нив се најде и Енис Барди кој се прикажа во извонредно голгетерско светло против Ерменија.

Македонската фудбалска репрезентација на полувреме има комфорно водство од 0-2. По фантастичниот продор на Ашковски кога Алекс Трајковски реализираше за водство во 22’ минута, Енис Барди на асистенција на Елиф Елмас со снајперски прецизен шут стрелаше за 0-2 во 36’ минута.