Историските достигнувања на земјата која има жители кои може да ги собере на Градски

За Сан Марино, 2024-та е фудбалска година за која веројатно до сега само сонувале. Верувале или не, први во група завршија и годинава се радуваа на триумф по пауза од 20 години и тоа два пати.

Земјата која има помалку жители од Велес или Охрид и која брои 33.642 луѓе е петта најмала во светот распространета на 61 км2.

Има 199 порази на 211 натпревари, а на седум натпревари има примено 10 или повеќе голови. На ранг листата на ФИФА е последна.

Сан Марино во својата историја се има радувано на три официјални победи, сите над Лихтенштајн, а две од нив беа сезонава во Лига на нации.

Иако звучи неверно, по четири одиграни кола во групата 1 од Д-дивизијата го освоија првото место со 7 бодови, а зад себе го оставија Гибралтар со 6 и Лихтенштајн со 2 бода.

Синоќа славеа 0:1 против Лихтенштајн и ова им беше прва гостинска победа во историјата, која им донесе и пласман во Лига Ц.

20 години немаа триумф и откако во 2004-та го добија Лихтенштајн 1:0 на пријателска, стигнаа двете нови победи против истиот противник. Во септември и синоќа пак.

Одиме со ред:

- Прва и втора победа во официјално натпреварување (двете против Лихтенштајн, 1-0 и 1-3).

- Прв натпревар со 2 постигнати гола и прв со 3 постигнати гола.

- За првпат еден играч постигна гол на два натпревари по ред (Никола Нани против Гибралтар и Лихтенштајн).

- Прв постигнат гол на натпревар од Лигата на нации (Нико Сенсоли против Лихтенштајн, 1-0)

- Првпат завршуваат натпреварување со позитивна гол разлика (5 дадени и 3 примени голови или +2).

- Првпат завршуваат натпреварување со повисока позиција од било кој противник.

- Првпат завршуваат на прво место во група.

- За првпат ќе завршат една календарска година со позитивна статистика (2 победи, 1 реми, 1 пораз).

- Најдобра календарска година во однос вкупен број на победи (2).

-Најдобра календарска година според постигнати голови (14).

19 ноември 2024 - 09:26

Штета ако сте пропуштиле

Демократијата e како Ајрон Мејден

Кој ги дупи, шо му праи, тоа нешо се праи

Монструмот од веш машината

Брејкинг њуз: Нема веќе брејкинг њуз