1. Боде Глимт е најпријатно изненадување во Европа последниве сезони. Минатата сезона за првпат во историјата се пласираа во Лига на шампиони и направија сензационални успеси со победи против Манчестер Сити, Интер, Атлетико Мадрид и други гиганти.
Боде Глимт во квалификациите ги помина белгиски Јунион Сен Жилоа и холандски НЕК Најмеген и влезе во Лига на шампиони. Дури и после продажбата на нивниот најдобар играч шпицот Каспер Хег кој им беше прв стрелец успеаа да поминат во Лига на шампиони.
Норвешкиот клуб гради и нов стадион со 10.000 места зошто сегашното стадионче едвај ги задоволува критериумите на УЕФА
Симпатичниот клуб планира постојано да игра во Лига на шампиони и затоа вложиле преку 100 милиони евра во новиот проект. Новиот стадион треба да биде отворен во јули 2027-ма година а до тогаш ќе играат уште на малата „Асмпира“.
2. Првпат во ХХI век два клуба од Норвешка ќе играат во Лига на шампиони. Не само Боде Глимт туку и Викинг од Ставангер кој го урна Динамо Загреб. По реформите на ЛШ во 1991-ва година два норвешки клуба никогаш не играле во една иста сезона во Лига на шампиони.
Викинг е акционерско друштво, нема богати сопственици. Најголема ѕвезда им е 21-годишниот Едвин Еустбе кого го сметаат за најголем талент во норвешкиот фудбал.
3. Марко Николиќ го внесе грчки АЕК во Лига на шампиони.
Српскиот тренер направи права ренесанса во грчкиот клуб кого го внесе во елитата каде атинските црно-жолти не биле од 2018-та. Тогаш АЕК заврши во групната фаза со 0 бодови со Баерн Минхен, Ајакс и Бенфика.
Но од тогаш многу нешта се сменија во грчкиот клуб кој летово потроши 20 милиони евра на засилувања меѓу кои е и хрватскиот репрезентативец Ловро Мајер.
28-годишниот Лука Јовиќ кој лани постигна 25 гола и имаше 4 асистенции на 47 натпревари е главна ѕвезда на екипата.
4. Фенербахче влезе во Лига на шампиони првпат после 2008-ма година!
Цели 18 години чекаше турскиот гигант да влезе во ЛШ. Тогаш за нив уште играше Роберто Карлос па замислете колку одамна било тоа. Сите овие години Фенербахче не можеше да ги мине квалификациите.
Најголемо достигнување во Европа имаа четвртфинале на Конференциска лига во 2024-та кога испаднаа од идниот шампион Олимпијакос.
Тренер им е Исмаил Картал кој се врати во клубот по 4-ти пат од 2014-та година.
Управата на Фенербахче летово направи страшен тим со нови мега засилувања како Ромелу Лукаку, Мејсон Гринвуд, Натан Аке, Ведат Муричи а тука претходно беа Марко Асенсио, Талиска, Матео Гендузи, Нголо Канте, Милан Шкрињар, Едерсон и други....
5. Јаја Туре го внесе Слован Братислава во ЛШ
Славниот африкански фудбалер кој играше за Сити и за Барселона, Јаја Туре летово во јули стана тренер на Слован Братислава.
Туре го заменил легендарниот тренер Владимир Вајс и успеа да го помине словенечки Целје (1-2 победа на реваншот) во последното квалификациско коло за Лига на шампиони.
6. Сабах првпат по основањето влезе во Лига на шампиони
Шампионот на Азербејџан се појави на фудбалската карта во 2017-та година кога бил основан од локален милионер. И по првата шампионска титула во земјата, сега направија сензација со влез во Лига на шампиони каде досега од Азербејџан играше само Карабах.
7. Научна фантастика е како австриски ЛАСК влезе во Лига на шампиони!
Шкотски Селтик победи дома со 3-0 минатата недела и сите веќе го гледаа шкотскиот првак во Лига на шампиони. Реваншот требаше да биде рутина, особено откако Селтик даде уште еден гол на гости и некаде до 30' минута имаше вкупен резултат 4-0.
Никој ниту на сон не помислуваше што ќе следува: ЛАСК Линц направи сензационално чудо, постигна дури 5 гола! И се пласираше во Лига на шампиони за првпат во својата клупска историја.
ЛАСК притоа втор пат во историјата стана шампион на Австрија минатата сезона, односно првпат во 61 година. Обично не биле ниту во првата тројка на австрискиот фудбал.
А летово останаа без нивниот најдобар фудбалер Моду Сисе кого го продадоа. ЛАСК има скромен состав. Најскап фудбалер според вредноста им е Мозес Усор кој вреди 6 милиони евра.
Тренер на ЛАСК Линц е Дитмар Кубауер кој на крајот од '90-те години играл за Реал Сосиедад.
