Со двата гола на Роберто Фирмино во 2-ра и 30-та минута и погодокот на Садио Мане во 22-ра, Севиља синоќа по само половина час игра беше во нокдаун.
Но дека фудбалот се игра 90 и кусур минути тие му покажаа на премиерлигашот во вториот дел од мечот во кој се вратија јуначки. Двоен стрелец за домаќините беше Једер во 51-ва и 60-та минута, а конечните 3:3 ги постави Пизаро дури во третата минута од судиското продолжение.
Шпанските медиуми пишуваат дека во соблекувалната нивниот тренер Едуардо Беризо им соопштил потресна информација од која очигледно неговите фудбалери биле мотивирани да изгинат за него на терен. Шпанскиот стратег е болен од рак на простатата.
Being reporting by Diario de Sevilla that @SevillaFC coach Toto Berizzo has been diagnosed with prostate cancer. Announcement tomorrow. Players were notified at halftime vs. @lfc
— Juan G. Arango (@JuanG_Arango) November 21, 2017
„Тоа беше луд натпревар, отидовме во соблекувалната знаејќи дека ако се обидеме, би можеле да го извадиме мечот. Треба да ги одигравме сите мечеви за тренерот кој ја промени ситуацијата, тој е најдобар експонент на сите, не води на вистинскиот пат и ние сме со него до крај“, изјави Аргентинецот Банега.
Беризо ќе почне да се лекува со терапија и наскоро ќе оди на операција, а претседателот на клубот Хозе Кастро по мечот изјави дека со оглед на тоа што се работи за лично и сложено прашање, преферира да не се зборува за дополнителни детали.
Кам бекот на Севиља
