Поранешниот фудбалер на Њукасл и Сандерленд, а сега член на Ипсвич, Мајкл Чопра пропушти еден дел од минатата сезона затоа што мораше да посети клиника за лечење на неговата зависност од коцкање. Тој дури беше принуден и да позајми 250.000 фунти од својот клуб за да ги плати долговите, а во 2011-та година откри дека неговата зависност го чинела 2 милиони фунти.
Англиската јавност веќе долго време шпекулира дека тој повторно е во долгови и нема пари, по што тој сакаше да ги демантира со една слика. На својот Твитер профил тој објави слика од вреќа полна со пари и пораката „Вие и понатаму твитајте дека сум во долгови".
Сепак, неговите 15.000 следбеници не ја прифатија оваа фотографија многу позитивно и само по неколку часа Чопра го избриша акаунтот.
