Наце е роден во Италија и живее во Радовиш, а викендов имаше чест да го гледа дербито меѓу Јувентус и Интер.
На Алијанц стадионот беше фамилијарно преку македонскиот фан клуб на Јувентус кој има пристап до карти.
Резултатот не му се потреви, заврши 1:1, но вечно ќе ја памети оваа средба. 15 годишниот Наце горел од желба да се слика со играчите на Јуве и на крајот решил да скокне на терен.
Има селфи со Гати, Влаховиќ и Костиќ и не само тоа, туку и си лапнал дрес од Локатели.
Имал малку фрки за прекршокот што го направил, ама на крај минал без последици. Има и видео од моментот со кое ќе се фали кај другарите. Каква храброст.
Инаку Наце е еден од учесниците на кампот на Јувентус кој пред пет и пол години за прв пат се одржа во Скопје.
