Сонот на децата кои навиваат или сакаат да тренираат со тренери од Јувентус се оствари. Првиот и официјален Јувентус Камп во Македонија стартуваше на игралиштето „Македонски Лавови“ во населбата Хром во општина Ѓорче Петров.
Благодарение на македонскиот фан клуб на Јувентус и ФК Мондано, Јувентус со своите тренери Рафаеле Армароли, Карло Буонопане и Антонело Галезе од денеска до 7-ми април ќе обучува 100 македонски деца на возраст од 5 до 17 години.
Италијанската фудбалска машинерија која шест сезони по ред не го дава тронот во Серија А, одржува кампови во околу 40 земји во светот, а на ред дојде и Македонија.
.
Секој учесник на кампот ќе добие Јувентус Адидас опрема (дрес, шорц и чорапи) која ќе им остане во нивна сопственост по завршување на кампот.
Две деца ќе добијат награда да учествуваат на кампот на Јувентус во Белград во јуни, со платено учество, храна и сместување, а други двајца летово ќе замина на бесплатен рекреативен камп во Грција.
Мотото на Јувентус Академијата е дека "пред се градиме луѓе, а потоа и фудбалери".
На отворањето се обратија претседателот на фан клубот на Јуве, Игор Стевковски, амбасадорот на Италија во Македонија, Карло Ромео и градоначалникот на општина Ѓорче Петров, Александар Наумовски.
