Централна фигура во тимот на Челси во првото полувреме беше талентираниот Оскар. Тој го реши Јувентус за само две минути на своето деби во Лигата на шампиони. Најпрвин во 31-та минута неговиот шут од 20 метри закачи еден од фудбалерите на Јувентус и го изненади Буфон, а во 33-та минута Оскар го зголеми водството со спектакуларен гол од свртување.
Сепак по пет минути Видал го врати Јувентус во игра откако намали со шут од работ на шестнаесетникот и Челси на полувремето замина со водство од 2:1.
Домаќините имаа иницијатива и во второто полувреме, но изостана реализацијата, а Јувентус тоа го казни на десет минути до крајот. Резервистот Кваљарела се извлече од офсајд замка и го матираше Чех за конечни 2:2.
На вториот натпревар од оваа група Шахтјор очекувано славеше над дебитантот Нордсјеланд со 2:0.
Вицешампионот Баерн Минхен ја стартуваше новата сезона со важна победа над Валенсија. Баварците водеа со головите на Швајнштајгер и Крос, а Валенсија само намали во 90-та минута преку Валдез. Во последните секунди Баерн можеше да ја зголеми победата, но голманот Алвес му го одбрани пеналот на Манџукиќ.
Најголемото изненадување го направија фудбалерите на БАТЕ Борисов кои славеа кај Лил со 1:3.
Спартак Москва беше на чекор до сензација, но Барселона не дозволи изненадување на Камп Ноу.
Барселона поведе преку Тељо, но гостите израмнија во 29-та минута откако Алвеш ја сврте топката во сопствената мрежа, а во 59-та минута по една контра тие дури и поведоа со 1:2.
Но тогаш на сцена стапи кој друг ако не Лионел Меси. До пред овој натпревар тој немаше постигнато гол против руска екипа, а сега постигна два и тоа едниот со глава.
Нани промаши пенал за Манчестер Јунајтед, а свои шанси на натпреварот имаа и фудбалерите на Галатасарај, но на крајот домаќините славеа со голот на Керик уште од седмата минута.
Романски Клуж приреди изненадување на гостувањето кај Брага. Тие ги чекаа своите шанси и го решија домаќинот преку две контри во првиот дел.
ЛИГА НА ШАМПИОНИ - 1. коло
Група Е
Челси - Јувентус 2:2 (2:1)
Оскар 31, 33 - Видал 38, Кваљарела 80
Шахтјор - Нордсјаеланд 2:0 (1:0)
Микхтаријан 43, 76
Група Ф
Баерн Минхен - Валенсија 2:1 (1:0)
Швајнштајгер 38, Крос 77 - Валдез 91
Лил - БАТЕ Борисов 1:3 (0:3)
Шеџу 60 - Волотко 6, Родионов 20, Олекнович 43
Група Г
Барселона - Спартак Москва 3:2 (1:1)
Тељо 14, Меси 72, 80 - Алвеш 29аг, Ромуло 59
Селтик - Бенфика 0:0
Група Х
Брага - Клуж 0:2 (0:2)
Бастос 20, 33
Манчестер Јунајтед - Галатасарај 1:0 (1:0)
Керик 7
