БАЗЕЛ - Тотенхем 2:2 (1:1) (6:3 по пенали)
Салах 27, Драговиќ 49 - Демпси 23, 86
По регуларните 90 минути Базел и Тотенхем одиграа со идентичен резултат како по првиот натпревар, а патникот во полуфиналето не беше одлучен ни по продолженијата. При изведувањето на пенали, фудбалерите на Тотенхем промашија два удари од белата точка и се простија од Лига Европа.
Њукасл - БЕНФИКА 1:1 (0:0)
Сисе 71 - Салвио 90
Англичаните долго напаѓаа, имаа водство од 71-та минута и се надеваа дека со уште еден погодок ќе ја елиминираат Бенфика, но португалскиот гигант израмни во финишот и со конечни 4:2 продолжува понатаму.
Лацио - ФЕНЕРБАХЧЕ 1:1 (0:0)
Лулиќ 60 - Еркин 73
Без поддршка од своите навивачи, Лацио не успеа да го победи Фенербахче. Турскиот тим ремизираше на празниот Олимпико и за прв пат во својата историја се пласираше во полуфинале на едно европско натпреварување.
Рубин - ЧЕЛСИ 3:2 (0:1)
Маркано 51, Карадениз 62, Начо 75п – Торес 5, Мозес 55
Фудбалерите на Рубин успеаа да го совладаат минатогодишниот освојувач на Лигата на шампиони со 3:2, но тоа не им беше доволно. Челси на два пати водеше, а домаќините израмнуваа и на крајот победија, но со вкупни 5:4, Англичаните продолжуваат во полуфиналето.
