А го видовте ли голманот на кој Роналдо му даде 4 комада?

Не би да судиме по изглед, ама еден од најдобрите на сите времиња да се радува против ваков лик на ист начин како против Барса, некако не оди. Кире Трајчев од Силекс е Паљука за овој.

Голманот на кој Кристијано Роналдо му даде четири гола во Саудиска Арабија на мечот Ал Наср - Ал Вехда, конечни 4:0 се вика Абдулќудус Атиа.

Смешен лик со застарен имиџ од 80-те на кој ќе ве лажеме ако напишеме дека не се изнасмеавме на глас во канцеларија.

Него тоа е небитно. Позанимливи се фактите кој велат дека Роналдо се радувал против треторазреден голман со никакво портфолио.

Пребаравме на интернет да видиме кој е типов и налетавме на штури информации, како да се работи за голман од четврта лига. Вредноста на Трансфермаркт му е 75.000 евра.

На Википедија има два пасоса, а последните настапи му се забележани во сезоната 2020/2021. Роден е 1997-ма, а брани од 2018-та.

Ама прашање е и колку брани. Второво инфо вели дека ланска сезона немал ќорав настап.

Тешко е и до фотографија да се стигне. Кога на Гугл го напишавме со име и презиме, повеќе фотки ни излегоа од Роналдо отколку од него.


Во каква лига отиде да игра петкратниот освојувач на Златната топката?

А да, ако не ви текнува на Кире Трајчев. И за репрезентација бранеше. Легендарен брк, во мода за тоа време.

Експлозија на Роналдо со 4 гола за 40 минути

10 февруари 2023 - 15:13

Штета ако сте пропуштиле

Роботите почнале да си муабетат

Пола човек - Вили Нелсон

Земјата која произведува слогани

Пресушени поточиња