Кливер Хуаман Санчез од Перу има 15 години и енормно голема желба да стане спортски новинар. И веќе е.
Патувал 18 часа до Лима за финалето од Копа Либертадорес меѓу Фламенго и Палмеирас. Го одбиле за акредитација, но малиот бил упорен и си го остварил сонот да го пренесува во живо на Тик Ток, најголемиот клупски настан на континентот.
Со себе понел телефон, микрофон и статив и облечен во костум, како возрасен, се качил на брдо од каде има панорамски поглед на стадионот.
Кливер прво бил упорен, се обидувал без акредитација да влезе во прес зоната и откако не успеал, го активирал планот Б. Заедно со неговиот менаџер по име Кени, платиле такси со мотор, кој ги качил до горе.
Целата сцена го потсетила кога додека бил уште помал, коментирал фудбалски натпревари во Перу од дома, без да има пристап до стадион.
Неговата страст за новинарство ја добил од татко му, кој работел во радио. Секогаш кога тој ќе се свртел, го фаќал скришно микрофонот и зборувал во живо.
Неговиот прв јавен настап бил лани, кога информативната програма ATV го интервјуирала по натпреварот помеѓу Универзитарио и Лос Чанкас. За само неколку секунди, ги освоил срцата на новинарите во студио.
Тинејџерот кој на Тик Ток е именуван како Pol Deportes, успеал да натера автобуска компанија да му го плати билетот за Лима.
Негото емитување привлекло илјадници гледачи во живо, а едно од видеата кој ги објавил на Тик Ток, има над 8 милиони прегледи.
@poldeportes1 cumplimos con la promesa de transmitir el partido de la libertadores #graciasporelapoyo #poldeportes en el #cerro de #ate #viral ♬ original sound - ST_BLACKY | MUSIC
