Чарлс Менсон. Лудакот кој со својата луда секта, ноќта меѓу 8 и 9 август 1969 година упаднаа во вила во Лос Анџелес и заклаа седум луѓе, меѓу кои и убавата Шерон Тејт (сопруга на Роман Полански), иако ги преколнувала да ја поштедат затоа што носи бебе. Албумот со 14 песни „Lie: The Love and Terror Cult“ го има снимено претходно а го објави на 6 март 1970, додека беше в затвор.  

Гувернерот на Калифорнија отвори подкаст и како прв гостин го викна конзервативниот инфлуенсер Чарли Кирк, што само по себе навестува дека Гавин Њусам гледа дека работата оди како што треба за либералите. Не само тоа, туку нагло сврти десно (Ѕинго: Испопадасмо!) со изјава дека не е фер транџи да влегуваат во женски спортови. Патем му се пожали дека ја губат медиумската војна, а Кирк му објасни една од причините.  

Една од страничните вештини која треба да ја поседува стендап комичар и секој што во живо има работа со публика е да истера муабет со тн хеклери, оние што се уфрлаат во неговата точка. Знаат тоа да бидат непријатни провокации но има и поинакви. Девојка од публиката го прашува дали е сингл. Тој ѝ вика, не сум јас дечко за тебе. Таа му враќа, и онака не си мој тип.... Така ли? Одиме до крај.  

Врз кантри пејачката Ингрид Андрес лани беше истурен гневот на јавноста и социјалните мрежи откако на еден важен безбол натпревар, пред полн стадион, ја испеја националната химна лошо, да полошо не може да биде. Брзо призна дека пеела ќора пијана а после резилот отишла на повеќемесечна рехабилитација и одвикнување од алкохол. Да се потсетиме на тој ушобол.

На саемот на технологија во Шпанија се појавила нова измислица која инстантно станува хит. PetPhone e уред кој на кучето му се става околу врат и овозможува двонасочна комуникација. Наводно можел да го шазам-не и протолкува лаењето и да ви дојави ако песот е вознемирен, гладен или осамен (??), па може да му се јавите и да го смирувате. Го прашале ли кучето дали му треба тоа.

Комарот е еден од најтешките пороци и облици на зависност. Еден тежок случај кој изгуби и фамилија и имање, ни викаше дека му е криво што наместо за коцка, не се фатил за дрога бидејќи од ова второво некогаш се умира па се спасуваат барем блиските. Понекогаш коцкарите ги чеша затоа што се убедени дека имаат чувство, интуиција, помош од горните инстанци....   

Сцедна со оние деца на онаа возраст кога се нема разбирачка со нив. Ти му викаш едно, тој прави друго. Ти му повторуваш дека тоа што го прави не е добро, тој упорно го прави баш тоа. Проблем. Но, секогаш кога постои проблем, постои и решение. Барем за (генијална) реклама.    

Како што жолто светло на семафор кај нас не значи исто како во остатокот на светот, да почнеш да кочиш туку скроз обратно (за да стигнеш не само ти, туку уште бар две-три коли позади), така и кога си на гости, муабетот „Ајде да се прибираме, доцна е“ или „Види колку саат дошло, утре сме на работа“ не значи дека баш стварно планираш да станеш во скоро време. А и на станато не е сè готово.

Не само што редовно ги пердаши европските бирократи, не само што имаше имаше доблест да го спомне етничкото чистење во Егејска Македонија, туку Варуфакис умее и перфектно да препознае и долови практики на меѓународната сцена. Овде зборува за мафијата. Како делува таа и нејзиниот рекет? Самите ти креираат „опасност“ за после да ти понудат заштита од неа. Милошевиќ, Гадафи, Садам, Путин... ви текнува за кого се работи?

Шефицата на европската дипломатија е една од највоинствените ликови во врвот на ЕУ иако доаѓа од малата Естонија. „Ако заедно не успееме да извршиме доволен притисок врз Москва, како мислиме да го победиме Пекинг?“, ќе каже Каја Калас. Да го победат Пекинг мислеле тие! Џефри Сакс деновиве имаше пар драгоцени пораки за балтичките земји: Американците некогаш ќе се повлечат а вие следните илјадници години ќе живеете до Русија.

Беше кај Џо Роган. Домаќинот можеби се надеваше дека ќе почнат со „јас тебе војводо, ти мене сердаре,“ ама не испадна така. Испадна само „јас тебе војводо“. Роган му кажа на Мареј дека е негов доживотен фан а овој му призна дека никогаш немал слушнато за неговиот поткаст. И дека сите од екипата му изгледаат како да дигаат тегови. На крај го праша, а вие и го снимате ова?   

Швеѓанец (стендап комичар) бил на овие наши простори и не може да се изначуди на гостопримството на луѓето. Вика, имаат само 500 евра плата (во Шведска просечна плата е околу 3.000 евра) а ќе те примат дома и ќе ти отворат и срце и фрижидер и сè што имаат. Во Шведска избезумено ќе те гледаат низ шпионката на влезната врата пред да НЕ ти отворат.

Тој што ќе го викнеше Френк Запа во емисија потајно надевајќи се дека можеби ќе го збуни и овој ќе остане без зборови, секогаш се имаше зезнато. Не само што Запа за сè имаше одговор, туку имаше одговор кој најмалку се очекуваше. Го прашуваат: „Постојат ли некои рок стихови кои не би сакал неговите деца да ги слушнат“. Постојат.

Нашиот „омилен“ злотвор и воен хушкач меѓу американските политичари, сенаторот Линзди - до последниот Украинец - Грем, после скандалот во Белата куќа ладно му сврте грб на својот довчерашен миленик, Володимир - до последниот Украинец- Зеленски, рече дека срамно и катастрофално се однесувал во Белата куќа и предложи да размисли за оставка. Така изгледа кога веќе не си им корисен на големите.

Шуќур некој да ни каже нешто утешително и благопријатно на темата со која се бавиме и кога мислиме дека не се бавиме. Зошто депресијата е божји благослов? Затоа што тоа некогаш и за некои луѓе е единствен начин човек да биде натеран да погледне во себе. Кога работите одат добро, човек не го занима многу она внатре.... 

Од времето на „нека цветаат илјада родови“ и „јас сум жртва и не знате како ми е.“ Девојката (се извинуваме ако грешиме) му вика на соговорникот  дека тоа што го рекол (што и да рекол) е мизогинија. Да, можеби било мизогинија, не знаеме. Овој ја прашува што за тебе е мизогинија? Најнормално, Оваа почнува да плаче и да сака да си оди.  

Врз основа на нивни и други сведоштва за тоа како изгледало првото станче во кои Ролинг Стонси биле под кирија, им го реконструирале просторот и направиле „спомен соба“ во чест на хаосот во кој живееле четворицата Стоунси во Челзи во 1962 година. Да не беа талентирани, упорни и успешни, овие ќе умреа од некоја инфекција. 

Доналд Трамп не само што ги сподели со светот своите замисли како сака еден ден да изгледа појасот Газа туку деновиве објави и еден неверојатно кичест видео спот за неговите фантазии.  Кичест не само по изведбата на спотот туку и по моралната димензија на неговите неимарски идеи. Личи ли во Аушвиц да отвориш продавница за плински боци?

Овдешните варијанти за предупредување на оние кои со колата мислат да ти блокираат влез во двор гласат, „не паркирај - бушам гуми“, „не паркирај - викам пајак“, „не паркирај - фрлам клетви...“ Ок, фини се тоа пораки, ако веруваш дека си имаш работа со разбрани и пред сè писмени луѓе. Некој смислил малку подобро решение: автоматизирано прскање со вода.

За првпат во урбана средина бил тестиран модел на Алеф Аеронаутикс, сто проценти електричен автомобил способен да вози и по улици, но и вертикално да полета и да слета. Извршниот директор на Алеф, Џим Духовни, се пофали дека  веќе имаат неколку илјади пред-нарачки за колата и тврди дека ова е историски момент од калибарот на летот на браќата Рајт. Допрва ќе биде (не)весело.

Покрај прочуената фамозна зелена карта која на човек му го легализира престојот во САД и правото да работи и живее, Трамп сака да ги привлече богатите аспиранти за живот во Америка. За пет милиони долари ќе се дава златна карта која ќе ги нуди бенефитите од зелената, плус ќе биде патека за добивање државјанство. „Ќе ни доаѓаат богати луѓе, ќе носат пари, ќе плаќаат даноци...“, резонира трговецот од Белата куќа.   

Еден од фраерите кои многу недостасуваат на оваа планета. Сцена со неговиот пријател, шпанскиот готвач Хозе Андрес, пробуваат некои ферментирани сирења и Хозе му вика дека тој што го јаде тоа сирење, никогаш не се разболува бидејќи во себе има многу пеницилин. Тони Бордејн закуцува: Фино, може ќе ми го исчисти сифилисот. Цар.

Новиот германски канцелар, Фридрих Мерц, ги подучува децата како да се победи Владимир Путин. Накратко, главната лекција е да не му се плашат на Путин и да му се даде до знаење дека не може воено да победи. Ако сцената ве асоцира на некои други сцени со германски деца, грешка сте. Тоа беше еден Австриец.

Мајка на дете кое сакаат да го запишат во државно школо, се соочува со училишниот одбор поради нивното игнорирање на родителските забелешки за планот да се инсистира на родово образование на најмала школска возраст. Без врескање, смирено но самоуверено и елоквентно. Родителите рекле НЕ, одборот гласал 16:0 ЗА. Како да ви го дадам? - прашува мајката.