- Украинскиот претседател Володимир Зеленски навести дека е подготвен да ги повлече украинските трупи од делови од источниот регион Доњецк кои се уште се под контрола на Киев, за да бидат прогласени за демилитаризирана зона со мировниот договор.
- Територијалното разграничување е главната пречка за договорот за крај на војната во Украина. Киев досега инсистираше Украина да ја задржи територијата што сега ја има под контрола, вклучувајќи и околу 25% од териториите на Доњецк и Луханск. Москва се уште инсистира да го добие цел Донбас, со преговори или со војна.
- Една опција би можела да биде формирање слободна економска зона во демилитаризираните области на источна Украина, изјавил Зеленски, но бара и Русија да повлече свои сили од истокот. Предлогот за демилитаризација би бил ставен на јавно гласање.
- Втората прифатлива опција за украинскиот претседател би била ефикасно замрзнување на конфликтот долж четирите копнени региони анектирани од Русија. Примирјето би било надгледувано од меѓународни сили.
- Зеленски веќе се откажа од инсистирањето Украина да му се приклучи на НАТО. Точки на судир сега се обемот на украинската војска кога ќе заврши војната и контролата и распределбата на струја од нуклеарната централа Запорожје, која е под руска контрола уште од 2022 година. Зеленски изјави дека украинските преговарачи не постигнале консензус со САД за Доњецк и за нуклеарната централа, но додаде: „Значително ги усогласивме повеќето позиции“.
- Почина театарската, филмска и телевизиска глумица Ленче Делова, соопшти Драмски театар, нејзината матична куќа. Имаше 77 години.
- Нејзиниот талент, сценска присутност и човечка топлина оставија неизбришлива трага на сцената и во срцата на публиката. Со секоја улога таа внесуваше искреност, емоција и посветеност, градејќи ликови кои долго ќе се паметат. Нејзината насмевка и ведриот дух беа светлина зад сцената, а нејзината професионалност пример за генерации актери, напишаа колегите.
- Делова играла во 60-тина претстави во Драмски театар, а глумеше и во над 30 филмови.
- Луѓето кои користеле канабис во која било фаза од својот живот имаат поголеми волумени во мозочните региони поврзани со меморијата, учењето и извршните функции.
- Користејќи податоци од над 25.000 луѓе на возраст меѓу 40 и 77 години, истражувачи откриле дека умерената употреба на канабис во текот на животот е во корелација со зголемување на големината на четири битни региони во мозокот - хипокампусот, амигдалата, каудатното јадро и и путаменот.
- Со оглед на тоа што овие мозочни региони се поврзани со клучни атрибути како што се емоциите, моторната контрола и меморијата, истражувачите решиле да истражат како употребата на канабис влијае врз когнитивната кондиција од средината на животот па понатаму.
- Испитувајќи податоци од 16.728 лица, уште еднаш потврдиле дека умерената употреба е поврзана со подобри перформанси во задачи што вклучуваат учење, брзина на обработка на податоци и краткорочна меморија.
- Неодамна во Македонија беа запленети 40 тони марихуана. Знаете ли колку мозочен волумен може да добие колективниот ум на Македонецот кој во свeтски споредби и онака кубури со IQ?
- Кажавме што имаме да кажеме.
