- Украинска парламентарка вели дека обраќањето на нацијата на Џо Бајден било „тотално разочарување“.
- Олександра Устинова вели дека во цела Украина возбудено се следел тој говор и се очекувала многу поконкретна помош, особено од воздух.
- Украина своевремено го поседуваше третиот најголем нуклеарен арсенал на светот. Во 1994 година го потпиша Меморандумот од Будимпешта во која големите сили (Русија, САД, Британија) ѝ ветија дека нема да биде нападната ако го расклопи нуклеарниот капацитет.
- Кутри Украинци и нивната верзија на приказната „Македонија и датумот“.
- По неколкумесечна дебата, Парламентот на Германија го усвои контроверзниот закон за воена служба, со кој канцеларот Фридрих Мерц планира да го зголеми воениот состав на 260.000 активни војници, од сегашните 183.000, и уште 200.000 резервисти.
- Берлин го укина задолжителниот воен рок во 2011 година. Со новиот закон, сите мажи во Германија родени по 1 јануари 2008 година ќе бидат повикани на медицински прегледи заради утврдување на воена способност.
- Служењето на воениот рок ќе биде на доброволна основа. Покани ќе им бидат испратени на сите 18-годишни момчиња и девојки. Момчињата ќе мора да се произнесат дали сакаат да служат воен рок или не, а девојките не мора да одговараат на поканата, освен ако не изразат желба.
- Ако на доброволна основа не биде пополнет посакуваниот број војници, ќе се примени втората фаза, која мора да биде одобрена со гласање во Бундестагот. Ако бројот на военоспособни момчиња го надминува потребниот број, регрути ќе бидат избирани по случаен избор со лотарија.
- Италија, Белгија и од неодамна и Франција ги проширија програмите за доброволно служење воен рок, со цел да се зајакнат одбранбените капацитети. Нордиски и балтички земји, како и Хрватска, ја вратија задолжителната воена обука.
- Откако Европската радиодифузна унија донесе одлука дека Израел може да настапува на Изборот на песна на Евровизија 2026, неколку земји најавија дека ги откажуваат своите настапи.
- Членки бараа за учеството на Израел да се гласа тајно, EBU не го дозволи тоа по што Словенија, Шпанија, Ирска и Холандија порачаа дека нема да дојдат во Виена каде што ќе се одржи следниот натпревар.
- Се очекува листата на земји кои ќе ја бојкотираат Евровизија во наредните денови да се зголеми.
- „На нашите новинари не им беше и сè уште не им е дозволено да влезат во Газа, каде што беа убиени повеќе од 200 новинари. Минатата година видовме дека израелскиот настап беше политички. Не заборавајте дека забранивме сличен настап на руска пејачка во Украина. Во 2016 година ја отворивме Пандорината кутија кога победи политичка песна („1944“, Џамала, Украина) и оттогаш се бориме против политиката на Евровизија“, напиша претседателката на управниот одбор на РТВ Словенија, Наталија Горшчак
