- Архитектонско урбанистичкиот проект (АУП) за изградбата на 87 луксузни куќи под Радика е донесен без согласност од Министерството за животна средина, со што се става под знак прашање законитоста на овој документ одобрен од Општината Маврово и Ростуше.
- „Радика ресорт“ одобрението за градба го добива врз основа на спорниот АУП. Одобрението е потпишано од Ќирко Џукоски од Одделението за урбанизам, кој подоцна станува општински градежен инспектор.
- Од Државниот инспекторат за животна средина изјавуваат дека сега општината треба да ги обезбеди сите согласности во спротивно потребно е да се поништат издадените одобренијата за градба. За сите градби околу езерото и каде што има водени текови, пред издавање на градежните дозволи треба да се побараат мислења од Министерството за животна средина.
- За „приватниот“ водоводен систем со кој сега стопанисува „Радика ресорт“, а поради што мештаните се бунеа дека често немаат вода за пиење или од чешмите им тече кал, Инспекторатот бара истиот да биде под контрола на ЈПКД „Маврово“.
- Тие што вчера брусеа шахти, денес бројат сончеви зраци на знамето. Се нарекуваат нордистанци – опскурна секта чија основа е интелектуалната бижутерија на граѓанството луѓенца или како што ги нарече нивниот гуру: шуто и рогато.
- Oвие веруваат дека промената на името Македонија и откажување од историјата може да ти ги плаќа сметките и да ти донесе материјална благосостојба.
- Сектата на нордистанците ѝ се претстави на јавноста преку групно гушкање на Градскиот трговски центар, ритуал што од нив беше објаснет како обид за зачувување на архитектурата, но за секој добро упатен окултист што знае дека езотеријата секогаш е повеќеслојна, ова беше поттик да се влезе во длабочините на ваквата ритуализација и да се постави прашањето: дали оваа еротична нежност изразена преку гушкање на еден трговски центар како дел од љубовна предигра, води кон целосно насочување на сексуалната енергија кон консумирачкиот комформизам на материјалистичката стварност што нè опкружува?
- Примарна цел на сектата на нордистанците беше, а тоа им успеа – воведување на нивниот култ како единствена државна религија, идеја смислена од повисоките однадвор масонски мајстори претставени преку личности како Мастер Бејли, Хан д’ Џган, Мадам Могерини, а спроведена преку духовниот водач на шуто и рогато – Гуру Заев – идеја што се манифестираше преку укинување на името Македонија и забрана за консумирање македонска историја, двата непријатела на нордистанската секташка идеологија, бидејќи во нивниот окултистички светоглед, македонизмот не може да им ги плати сметките – големите трошоци за патот кон кој секогаш се стремеле – тајните мистични лавиринти на духовната и емотивна канализација.
- А таму кајшто има канализација, тука се и шахтите – пречка за стремежот на нивната идеологија кон длабоките канализациски води на плиткоста. И така, започнаа со нов ритуал – фанатично брусење шахти – ритуал посветен на култот на божицата на западното изгрејсонце, Брусела Шахта, вегетативна божица што вегетира на туѓи грантови, шест месеци глуми подземје, а шест месеци господари со длабочините на плиткоста.
