Вести › Набрзинка

Убаво е кога ќе се одработи

27 јануари 2023

Во организација на извесен Институт за медиуми и аналитика, бил одржан форум за руската пропаганда во Македонија.
Зоран Бојаровски рекол дека главен партнер на агресивниот руски наратив и политика е самата Руска православна црква.
Жарко Трајановски се пожалил дека нема информации какви мерки презема државата против руското влијание и пропаганда.
Петрит Сарачини предупредил дека медиумите кај нас не работат доволно против руските дезинформации.

* Пред некое време САД обелоденија дека за спречување на руско влијание во Македонија истуриле 67 милиони долари.

* Во членката на ЕУ, Бугарија, треба да се шинат од организирање вакви предупредувачки форуми.

извор

Трамп поставува табли пред Музејот за историја: „Изложбите не се баш точни“

25 јули 2026

Претседателот Трамп нареди пред Националниот музеј на американската историја на Смитсонијан во Вашингтон да се постават табли со предупредувања дека дел од музејските изложби „не се точни“. Таблите ќе ги упатуваат посетителите кон алтернативни извори за историјата на САД. Трамп повика на создавање алтернативна „независна“ привремена изложба, во која би биле поправени историските податоци кои администрацијата ги смета за неточни.
Смитсонијан 180 години функционира како независно тело и не е под директна власт на федералната администрација. Затоа, Службата за национални паркови ќе постави предупредувачки знаци на пешачките патеки околу музејот.
На 250-годишнината од формирањето на САД, Белата куќа објави извештај во кој го обвини историскиот музеј на Смитсонијан за „идеолошко заробување“ и за „промовирање социјален активизам наместо патриотизам“. Наведува дека музејот не им оддава соодветна чест на 56-те потписници на Декларацијата за независност, туку се фокусира на ропството, угнетувањето и нееднаквоста.
Директорката Антеа Хартиг, на сослушување пред Конгресот ја бранеше автономноста на музејот и истакна дека „прикажувањето на историјата во целата нејзина комплексност е чин на длабока почит кон националната приказна“.
Хартиг беше особено критикувана за две неодамнешни изложби: за „Entertainment Nation“, која содржеше експлицитни сексуални прикази, и за „Girlhood (It’s complicated)“ за предизвиците поврзани со родовиот идентитет кај младите жени.

извор

Трамп: САД не се банкомат за Европа

25 јули 2026

Трамп најави дека САД ќе отворат истрага против ЕУ и ќе ѝ воведат нови царини поради „ограбување на американските даночни обврзници“, преку казни од милијарди долари за големите технолошки компании.
ЕУ завчера му изрече казна од 890 милиони долари на Гугл поради истиснување на конкуренцијата. Трамп додаде дека ЕУ „без никаква причина“ ги казнил Епл со 15 милијарди долари, Мета со 3 милијарди долари и Амазон со 2,5 милијарди долари, а сите досегашни казни за Гугл надминуваат 18 милијарди.
„САД не се банкомат за Европа ниту ќе дозволиме да бидат тоа... ЕУ ќе плати многу висока цена за ова незаконско и крајно неетичко однесување, за кое постојано ги предупредував. Очекуваме дека казните целосно ќе бидат поништени и може да им наметнеме значителни царини“, предупреди Трамп.
Тој претходно се закани со царина од 100 % за секоја европска земја која ќе воведе данок на дигитални услуги за американските технолошки гиганти.
За време на вториот мандат на Трамп беа покренати неколку истраги согласно Членот 301 од Законот за трговија од 1974 година, кој ја овластува Канцеларијата на американскиот трговски претставник да истражува трговски практики за кои постои сомневање дека не се фер.

извор