- Со фонд од преку една милијарда долари, САД опфатиле цел појас земји, од Естонија до Казахстан, во кои работеле контра руското влијание.
- Парите оделе во земји кои ги оцениле како „ранливи на влијание и агресија на Руската федерација“ на кои „им недостасуваат економски капацитети за ефикасно да возвратат“.
- За Турција одвоиле само 239.000 долари ама затоа дале 67,4 милиони долари во Македонија, која е во топ петте земји во кои се трошел овој фонд.
- Владата на Кир Стармер ја прогласи иранската Исламска револуционерна гарда (ИРГЦ) за закана за националната безбедност на Британија.
- Новиот статус им овозможува на британските власти кривично да гонат лица обвинети за изразување позитивен став, поддржување или промовирање на Револуционерната гарда, за што е предвидена максимална казна до 14 години затвор. За случаи на шпионажа или саботажа, предвидена е и доживотна робија.
- За национална закана се прогласени и иранското исламско движење ИМЦР, кое презеде одговорност за антисемитски напади во Британија, и доброволниот корпус на руската воена служба за разузнавање ГРУ, кој се смета одговорен за нападот со отровот „новичок“ во Солсбери во 2018 година.
- Полицијата и обвинителствата ќе имаат пошироки овластувања при гонењето на припадници од овие групи.
- Европската Унија во јануари ја прогласи иранската Револуционерна гарда за терористичка организација. Како одговор, Техеран ги прогласи за терористички војските на сите членки на ЕУ.
- Во домовите во Јапонија денес има 15,9 милиони домашни миленици, што е за 2,2 милиони повеќе отколку деца на возраст под 15 години.
- Падот на стапката на наталитет принудил компании што произведувале пелени, колички и облека за бебиња да се префрлаат на слични производи за кучиња и мачки. Според истражувања на Еуромонитор, пазарот за нега на домашни миленици во Јапонија во 2025 година вредел 880 милијарди јени (5,4 милијарди долари).
- „Поради промените во животниот стил, како доцното стапување во брак и семејствата што не сакаат деца, сведоци сме на хуманизација на домашни миленици. Ги третираат како членови на семејството или деца, а не како животни“, вели Ишу Уехара од компанијата Уничарм.
- Национално истражување за трендовите на плодноста покажа дека помеѓу 2002 и 2021 година, процентот на домаќинства со само едно дете во Јапонија се зголемил од 10% на речиси 20%.
- „Порано, кучето или мачката беа само дополнителен член на семејството. Со помалку бракови и бебиња, животните преземаат улога на дете или партнер. Многумина Јапонци по разводот вдомуваат миленик“, вели Барбара Холтус, директорка на Германскиот институт за јапонски студии.
