- Американските царински служби на аеродромите, пристаништата и стовариштата почнаа да ја пресметуват „основната“ тарифа од 10% за увоз на стоки од многу земји.
- Повисоките стапки наметнати за 57 поголеми трговски партнери на САД ќе се наплаќаат од среда.
- Во извештај на Агенцијата за царини и заштита на границите е наведен 51-дневен грејс период за стоки што биле натоварени на бродови и авиони пред петок на полноќ. Тие стоки нема да се царинат со 10% ако пристигнат пред 27 мај.
- Тарифите што ги најави Трамп го предизвикаа најголемиот потрес на светските берзи по пандемијата. Акциите што котираат на индексот S&P 500 за два дена изгубија вредност од 5.000 милијарди долари.
- Агенцијата за миграција на Шведска објави дека од денеска ги спроведува новите и построги критериуми за доделување шведско државјанство на странци, усвоени на 29 април. Но, мерките нема да важат само за новите апликации, туку ќе бидат проверени и сите што се во процедура – околу 100.000.
- Шведска е првата земја во Европа што ретроактивно применува правила за натурализација на тековните апликации. Просечното време на обработка моментално е околу 56 месеци.
- Со новиот закон, минималниот престој во земјата за стекнување право на барање за државјанство се зголемува од 5 на 8 години. Барањето треба да биде поткрепено со доказ за примања од 20.000 круни месечно (1.800 евра). Исклучоци има за деца, пензионери и лица со траен инвалидитет.
- Мигрантите што отслужиле затворска казна над 4 години ќе мора да чекаат 15 години пред да аплицираат.
- Одредбите ќе се воведуваат постепено, заклучно со 1 октомври 2027 година. Од август ќе почнат тестирања за познавање на шведското општество. Подоцна ќе бидат воведени и тестови за разбирање, читање и слушање на шведскиот јазик.
- Министерството за одбрана на САД го скрати списокот на признаени религиозни вери и системи на верување од досегашните 211 на само 31, по налог од министерот Пит Хегсет.
- На скратениот систем има дури 22 посебни христијански групи. Покрај нив, признаени се и будизмот, бахаизмот, хиндуизмот, исламот, јудаизмот и сикизамот. Се признаваат и агностицизам, друга вера и ниедна вера.
- Претходниот список со 211 официјално признаени вери за воениот персонал беше објавен во 2017 година, во првиот претседателски мандат на Доналд Трамп.
- „Претходниот систем беше непрактичен и неупотреблив, а многу кодекси воопшто не се користеа. 82% од персоналот кои се идентификуваат како религиозни користат само шест од кодексите“, изјави Хегсет во март, кога ги најави промените.
