Вести › Набрзинка

Северен тек почна да испушта гас под Балтичкото море

27 септември 2022

Шведските власти забележале нерегуларности со три гасоводни линии што припаѓаат на гасоводите „Северен тек 1“ и „Северен тек 2“ во водите на Балтичкото море, од кои почнало да истекува гас.
Операторот засега нема проценка за тоа кога системот би можел повторно да опслужува со полн капацитет.
Европските влади ја кренаа подготвеноста на енергетските инфраструктурни системи на високо ниво, а се очекува овој настан дополнително да го искомплицира снабдувањето со енергенси за претстојната зима.
За данскиот премиер “тешко е да се замисли“ дека штетата е случајно настаната, а не како резултат на саботажа.

извор

Ние и Енглезите - шест милијарди

17 мај 2025

Шест милијарди евра кои ќе се повлекуваат во транши и ќе се користат за капитални инвестиции во инфраструктурата, здравството и енергетиката, модернизирање на армијата и засилена соработка и размена на информации на безбедносните служби во борба против организираниот криминал, трговијата со дрога и со мигранти е суштината на стратешкиот договор меѓу Македонија и Обединетото Кралство.
Преговорите за стратешкото партнерство траеле со месеци а Мицкоски тврди дека условите под кои ќе се повлекуваат средствата се најдобри на пазарот.
„Репер ни е еурориборот, репер ни се два фиксни параметри а тоа се грејс период и долг период на отплата. Досега фиксирани се неколку проекти а тоа е реконструкција модернизација на пругата која што ќе ги поврзува табановце и Гевгелија со што очекуваме за десет пати да се зголеми карго транспортот и бројот на патници која ќе ја користат и да се зголеми брзината. Довршување на Клиничката болница во Штип, заедно со медицинскиот факултети студентски дом со 200 легла, изградба на нова болница во Кичево и реконструкција на Клиничката болница во тетово. Во иднина нормално ќе разговараме и за други проекти кои ќе бидат во рамките на овие услови за кои зборуваме“, вели премиерот Христијан Мицкоски.

извор

Никој не е задоволен од пресудата за модуларната во Тетово

17 мај 2025

Тетовскиот суд ги осуди поранешниот директор на Клиничката болница во Тетово, Флорин Бесими, и поранешниот економски директор, Артан Етеми, на една година и шест месеци затвор.
Тетовската клиничка болница, исто како и на првото судење, беше санкционирана со 1 милион денари. Предметниот судија Реџеп Муса, читајќи ги пресудите, рече дека за кривичното дело тешки кривични дела против јавната безбедност е предвидена казна затвор од една до пет години, додека судот ги зел предвид сите отежнувачки и олеснителни околности за обвинетите.
Семејствата на жртвите изразија разочарување од одлуката на судијата, барајќи по секоја цена поранешниот министер за здравство Венко Филипче и поранешниот министер Анѓушев да бидат изведени пред лицето на правдата.
Поранешниот директор на Клиничката болница во Тетово, Флорин Бесими, откако ја слушна пресудата, рече дека ќе продолжи да ја бара правдата, бидејќи според него, судот не сакал да донесе правда ниту за членовите на семејствота, ниту на него. „Бев обвинет дека немалопротивпожарни апарати, а всушност бев против ваков објект и одбив да го прифатам објектот, еве го документот што не го потпишав. Обвинителството и сите го знаат ова, го споменав и на состаноците и документот постои, но не беше земен во предвид. Не барам милост, туку правда за жртвите и за себе“, нагласи Бесими.

извор