Реквием за Мица Трофртаљка
8 март 2020
Вести › Набрзинка
Ајатолахот го обвини Трамп за нередите во Иран
17 јануари 2026
- Врховниот ирански лидер Али Хамнеи директно го обвини Доналд Трамп за повеќенеделните протести во Иран во кои загинаа неколку илјади луѓе.
- „Го сметаме претседателот на САД за криминалец поради жртвите, штетите и клеветите што ѝ ги нанесе на иранската нација“, изјави Хамнеи. Тој додаде дека „актери поврзани со САД и Израел подметнале пожари, уништиле јавен имот и предизвикале хаос“.
- Протестите во Иран избувнаа на 28 декември поради незадоволство од економската криза и прераснаа во масовен бунт против теократскиот систем. Трамп ги охрабруваше демонстрантите и им порача: „помошта доаѓа“, но вчера отфрли евентуална интервенција откако добил уверувања од Техеран дека нема да бидат убивани демонстранти.
- Хамнеи тврди дека САД овој пат биле подлабоко вмешани отколку при претходните немири, издвојувајќи го Трамп како „централна фигура во меѓународниот заговор против Иран“.
Блер, Рубио, Виткоф и Кушнер во Одборот за мир во Газа
17 јануари 2026
- Поранешниот британски премиер Тони Блер, американскиот државен секретар Марко Рубио и специјалните мировни пратеници Стив Виткоф и Џаред Кушнер, зетот на Трамп, се потврдени како членови на Одборот за мир во Газа, кој треба да ги надгледува примирјето и обновата во транзицискиот период кон траен мир. Учеството на Блер во одборот беше неизвесно поради неговата улога при воената инвазија врз Ирак во 2003 година.
- „Одборот за мир ќе игра суштинска улога во исполнувањето на сите 20 точки од (мировниот) план на претседателот Трамп. Ќе овозможува стратешки надзор, ќе мобилизира меѓународни ресурси и ќе обезбедува одговорност додека Газа преминува од конфликт во мир и развој“, објави Белата куќа.
- Веќе беше објавено дека претседател на Одборот за мир е Доналд Трамп, а генерален секретар е бугарскиот дипломат Николај Младенов, поранешен висок претставник на ОН за Блискиот Исток. Одлуките на теренот ќе ги спроведува технократски комитет предводен од поранешниот палестински вицепремиер Али Шаат.
- Трамп завчера објави дека почнува втората фаза од неговиот план за Газа, иако групата Хамас се уште не се согласила да го предаде оружјето.
- Наскоро во регионот треба да бидат испратени и Меѓународни сили за стабилизација, за да ги обучи одобрените членови и офицери на идната полиција. Шеф на ИСФ е американскиот генерал Џаспер Џеферс.
