- Унгарскиот премиер реши да го одврзе кесето и да пренасочи пет милијарди евра во џебови на пензионери, домаќинстства со ниски примања, војска... што е голем пресврт во однос на неговата досегашна политика на строго штедење.
- „Тие земаа, ние враќаме“ порача Орбан кој 12 години е на власт и кој на престојните избори во април ќе се одмери со здружена опозиција од шест партии. Неговата партија во моментов е во благо водство.
- Пензионерите и нивните фондови ќе бидат засилени со околу 1,5 милијарди, семејствата со деца ќе добијат даночни олеснувања од 1,7 милијарди евра, војската за плати добива екстра 500 милиони а вработените под 25 години веќе нема да плаќаат данок на доход.
- Со апсење на еден 39 годишен осомничен, француската полиција верува дека сите четворица членови на бандата која го ограби најпосетуваниот музеј во светот се во нивни раце.
- Последниот уапсен има шест претходни пресуди. Му се закануваат 15 години за учество во организирана банда и 10 години за злосторничко здружување.
- На групата им требаа само осум минути да ја изведат кражбата која заврши со монетарен плен од околу 88 милиони евра, не сметајќи ја историската вредност на украдените работи. Им помогнал и идиотскиот систем на обезбедување на Лувр чиј пасворд бил - „Лувр“.
- Романскиот министер за одбрана Јонут Моштеану поднесе оставка откако беше откриено дека пријавил лажна диплома за завршен факултет.
- Во својата биографија тој пријавил дека студирал на Универзитетот Атенеум од 1996 до 2000 година, но истрага на весникот Либертатеа покажа дека Моштеану никогаш не бил студент на Атенеум. Моштеану ја призна „грешката“ и објави дека всушност дипломирал во 1999 година на Универзитетот Биотера, кој е под истрага поради фалсификување дипломи.
- Дипломата за високо образование му била неопходна за да извршува одговорни државни функции, како советник во Министерството за транспорт и член на Управен одбор на државни компании.
- Откако Монтшану влезе во владата, компанијата за маркетинг што ја основал го зголемила прометот за три пати, а профитот за 23 пати.
- Својата оставка ја оправда како патриотски чин: „Романија и Европа се под руски напад. Нашата национална безбедност мора да се брани по секоја цена. Не сакам дискусиите за мојата обука и грешките што ги направив пред многу години да ги одвлечат вниманието на оние што сега ја водат земјата од тешката мисија“.
