- Хашкото обвинителство побара казна од 45 години затвор за поранешните водачи на ОВК - Хашим Тачи, Кадри Весељи, Реџеп Сељими и Јакуп Красниќи, обвинети за воени злосторства на Косово и во Албанија во 1998 и 1999 година.
- Обвинението ги товари Тачи, Весељи, Селими и Красниќи по 10 точки: прогон врз политичка и етничка основа, затворање, незаконско апсење и притворање, други нехумани дела, суров третман, присилно исчезнување, тортура (две точки) и убиство (две точки).
- Во завршниот збор, главната обвинителка Кимберли Вест изјави дека доказите претставени на судењето покажале дека четворицата се кривично одговорни за смрт на најмалку сто жртви и за злоставување на стотици, што оправдува долги затворски казни за сите.
- Обвинителката ги отфрли како „несигурни“ сведоштвата на седум меѓународни функционери, вклучувајќи ги генералот Весли Кларк и амбасадорот Кристофер Хил, во одбрана на првообвинетиот Тачи. Тие сведоштва се темелеле на „ограничено знаење“ на сведоците кои биле „падобранци“... на Косово и немале знаење за внатрешната организација на ОВК и нејзините операции на терен.
- Од март 1998 до септември 1999 година, членови на ОВК извршиле злосторства против 407 затвореници, од кои најмалку 102 биле убиени. Во обвинението се идентификувани 75 жртви - 51 Србин, 23 Албанец и еден Ром.
- Владата на Аргентина побара да бидат обновени преговорите со Обединетото Кралство во врска со суверенитетот над Малвините (Фолкландските Острови), откако администрацијата на Доналд Трамп најави дека САД може да ја откажат политичката поддршка за Британија во територијалниот спор.
- Во внатрешен меморандум во Пентагон е наведено „преиспитување на дипломатската поддршка за британските империјални поседи“ како можна казна за „непослушните“ сојузници на САД од НАТО, кои ги одбиле повиците да се приклучат во војната против Иран.
- „Аргентина е подготвена да ги продолжи билатералните преговори со Британија за изнаоѓање мирно и конечно решение за спорот за суверенитетот (на островите) кое ќе стави крај на посебната колонијална ситуација во која се наоѓаат“, порача министерот за надворешни работи Пабло Кирно.
- Даунинг стрит објави дека извештајот за меморандумот на Пентагон не го променил ставот на Британија. „Жителите на Фолкландските Острови на референдум гласаа со огромно мнозинство за да останат прекуокеанска територија на Обединетото Кралство“, изјави портпарол на кабинетот на премиерот Кир Стармер.
- Аргентина долго време претендира на суверенитет над Малвините и изврши инвазија врз архипелагот во 1982 година пред да биде поразена од Британија во кратка, но крвава војна.
- Претседателот Хавиер Милеи пред две години изјави дека Аргентина не се откажува од суверенитетот врз островите, но не сакаа конфликт со Обединетото Кралство: „Тие можеби не сакаат да преговараат денес, но во иднина можеби ќе сакаат. Многу позиции се променија со текот на времето“.
- Доналд Трамп го продолжи прекинот на огнот со Иран на „неодредено време“, но на 1 мај завршува законскиот рок од 60 дена за воени операции без експлицитно овластување од Конгресот. Претседателот ќе мора до тогаш да ги повлече воените сили, освен ако не добие специјално одобрување од Претставничкиот дом и Сенатот.
- Постои опција да добие дополнителни 30 дена, само ако писмено потврди дека е потребно време за безбедно повлекување на трупите, а не за продолжување на офанзивата.
- Поранешните претседатели ја заобиколуваа законската одредба со други извори на овластувања. Трамп може да се повика на Овластувањата за употреба на воена сила (AUMF) за специфични цели, применети по нападите од 11 септември 2001 година за „војната против теророт“, во 2002 година за да се отстрани Садам Хусеин и во 2003 година да се одобри инвазијата на Ирак.
- Трамп во првиот мандат во 2020 година го искористи AUMF за да го нареди атентатот врз иранскиот генерал Касем Сулејмани.
- За време на воената кампања на во Либија во 2011 година, администрацијата на Барак Обама тврдеше дека не е потребно експлицитно овластување од Конгресот, бидејќи нема „активна размена на оган со непријателски сили“.
- Бил Клинтон одобри неколку воени операции во Ирак и во Сомалија, а во март 1999 година без одобрение од Конгресот одобри воени дејства против тогашната Сојузна Република Југославија.
