Трговската војна со тарифи на Американците ќе им ја поскапи и Библијата, особено брендираната верзија на Трамп „Господ да ги благослови САД“, која во Америка чини 59,99 долари, а се увезува од Кина.
Во 2024 година од печатницата во Хангџоу биле испорачани 120.000 „трампови“ Библии во Америка, со вкупна вредност од 342.000 долари, односно по набавна цена од 2,85 долари. Максималниот потенцијален профит од продажбата би бил околу 7 милиони долари.
Претседателот досега не кажал кој и каде ја печати неговата верзија на Библијата ниту колку лично заработува од продажбата.
Библијата на Трамп со негов личен потпис се продава за 1.000 долари.
Не септемвриската листа должници на УЈП на врвот се три скопски фирми. Овој месец, најмногу должи компанијата „Хант осој трејд“, регистрирана во Скопје – 14,87 милиони евра.
„Не поседува движен и недвижен имот. Има присилна наплата од парични средства. Утврдена е даночна гаранција, во тек се мерки за наплата од даночен гарант“, велат од УЈП за фирмата.
Сличен износ должи уште една скопска фирма, регистирана во Визбегово – „Окитна трејд“, трета е компанијата „Лисав“, исто така регистрирана во Скопје.
Оваа должничка листа се однесува на долговите што требало да се намират до 31 мај, а не биле регулирани ниту до 31 август. Се работи за обврски што произлегуваат од ДДВ, данок на добивка, персонален данок на доход, придонеси од задолжително социјално осигурување, акцизи и царини, за кои вкупниот износ на долгот е повисок од 120.000 денари за физичките лица и самостојните вршители на дејност и повисок од 300.000 денари за компаниите и институциите, пренесува Слободен печат.
Организацијата Big Brother Watch открива дека помеѓу 2021 и 2025 година биле уапсени 62.199 лица за дела поврзани со слободата на говорот, што претставува приближно 34 апсења дневно.
Од нив, најмалку 18.500 лица биле обвинети, а 12.292 биле осудени. Наодите се базираат на барања за слободен пристап до информации.
Групата открила и големи географски разлики во спроведувањето. Полицијата во Камбрија регистрирала околу 25,7 апсења на 10.000 жители во текот на пет години, во споредба со само 1,9 во соседната Нортумбрија.
Big Brother Watch тоа го нарекува „Лотарија на поштенските кодови“.
