16 годишниот Џош Александар е суспендиран од училиште затоа што на час рекол дека постојат само два рода. „Или си роден како машко или како женско. Родовите не се појаки од биологијата,“ тоа го реков и си најдов беља, вели ученикот.
Подоцна бил и уапсен кога протестирал зошто машки трасџендери користат женски вецеа.
Да биде иронијата на најјако, школото од кое е суспендиран е католичко училиште.
Жртвите на озлогласениот Џефри Епстин (се зборува дека се над 1.000 ) се разочарани и гневни од долгоочекуваното обелоденување на документите поврзани со контроверзните активности на овој милијардер со тесни врски со највисоките кругови на западниот политички и шоубизнис естаблишмент.
Тврдат дека не е објавено сè (една од жртвите не можела да ја најде нејзината изјава за ФБИ), она што е објавено е темелно редактирано и зацрнето а исчезнале и најмалку 16 фајлови кои првично беа објавени.
Меѓу исчезнатите материјали наводно е и фотографија на Доналд Трамп од архивата на Епстин.
„Ако вакви работи кријат, замислете што сè друго кријат“, рече високопозиционираниот демократ Чак Шумер, додавајќи дека се работи за „најголемото заташкување во американската историја“.
Во еден документ од 119 страници, насловен како „Големата порота - Њујорк“, зацрнета е комплетната содржина и оставен е само насловот.
Белата куќа тврди дека силното редактирање на објавените материјали е за да се заштитат жртвите.
На претходно невидени фотографии, поранешниот принц Ендру лежи со пет жени. На други, Клинтон е во џакузи со главната соработничка на Епстин, Гислеин Максвел.
Дел од документите се рачно напишани пораки од типот „Имам женска за него“ „Ќе има женски ама ми бараат 1.000 долари за една“ и слични.
На 67-годишна возраст почина театарскиот, филмски и телевизиски актер Лазе Манасков, соопшти неговиот матичен Драмски театар од Скопје.
Манасков е во Драмски е од 1983 година, откако заврши на ФДУ во Скопје. Вечерашната изведба на претставата „Куршуми над Бродвеј“ ќе се одигра во негова чест, велат од театарот.
Ќе остане запамтен и по своите улоги во Исцелител, Сенки, Трст виа Скопје, Еурека, Солунски патрдии, Македонски народни приказни, Преспав, Пусто турско....
