Рокот на Фајзер вакцините истекол на 31 декември, но истите продолжуваат да се аплицираат.
Медицинските лица на вакциналните пунктови уверуваат дека добиле дозвола од компанијата, а и од македонското регулаторно тело за лекови МАЛМЕД, дека вакцините се добри и можат да се користат три месеци и по истекот на рокот.
Собранието на Бугарија формираше посебна комисија за истрага на активностите на американскиот милијардер Џорџ Сорос, на неговиот син и на сите нивни фондации во земјата.
Комисијата ќе собира и анализира документи, ќе испитува бугарски служби, институции и лица. Нејзината задача ќе биде да ги утврди тековите на финансирањата и евентуалните врски со политичките партии, судиите, училиштата, медиумите, стопанските кругови и јавните институции.
Иницијативата е покрената од поранешниот медиумски тајкун Делјан Пеевски, кој тврди дека инсталациите на Сорос се вклучени во „замена на традиционалните вредности со родова идеологија“ и дека има „моќни структури за лобирање“. Во Собранието иницијативата доби поддршка од сите партии од владејачката коалиција, додека ГЕРБ и проевропската алијанса беа против.
Фондацијата Отворено општество на Сорос е основана во Софија во 1990 година, веднаш по падот на комунизмот. Финансира проекти во образованието, правосудството и борбата против дискриминација.
Акционерите во „Тесла“ го одобрија планот да го наградат директорот Илон Маск со бонус од 1.000 милијарда долари, ако успее да исполни неколку амбициозни услови. Маск веќе со години е најбогатиот милијардер во светот, богатството сега му е проценето на 460 милијарди, но со бонусот би станал првиот билионер во историјата.
Маск ја прифати одлуката, придружуван на сцената од хуманоидни роботи „Оптимус“. Тие уште не се во масовно производство, но милијардерот ги претставува како „иднина на компанијата и на човештвото“. Тврди дека ќе бидат применети насекаде, од домови и болници до затвори.
Elon Musk: What we're about to embark upon is not merely a new chapter of the future of Tesla, but a whole new book and Optimus is a fundamental part of that
The scale of Optimus, like I said, that's really going to be something else
Бонусот на Маск би го надминал БДП-то на Шведска, Ирска или на Аргентина. За да го освои, Тесла мора да достигне вредност од 8.500 милијарди долари (сегашната е 1.400) и да оствари приход од најмалку 400 милијарди долари четири квартали во низа.
Ќе мора во рок од една деценија да испорача 20 милиони електрични возила и 10 милиони целосно автономни, да продаде 1 милион „роботакси“ и уште толку хуманоидни роботи, кои се уште се во фаза на прототип.
