Вести › Набрзинка

И Босна знае да биде посаглам од нас

16 март 2023

Поранешната шефица за продажба на БХ Телеком, Алма Маглиќ е осудена на 4 години затвор заради злоупотреба на функцијата и несовесно работење.
Таа ќе треба да врати и 1,2 милиони конвертибилни марки, колку што е проценета штетата која ѝ ја нанела на компанијата.
Кај нас Петар Гошев неодамна во детали раскажа како и под чие сè политичко покровителство се одвивалo собирањето на телекомуникацискиот кајмак и, нормално, ништо.

9 јуни 2026

Државниот завод за ревизија (ДЗР) изрази неповолно мислење за реалноста и објективноста на финансиските извештаи на Националната установа (НУ) Албански театар – Скопје за 2024 година.
Како и во многу други државни институции, ДЗР и во Албанскиот театар утврдил дека има вработени кои не доаѓале на работа, а примале полна плата.
Театарот го издавал просторот со субјективна проценка: од 10 до 240 илјади денари.
Продавале билети без официјално утврдени цени.
Во текот на 2024 година, 20 отсто од актерите не биле ангажирани. Двајца актери не се ангажирани во ниту една претстава од репертоарите од 2011 односно од 2019 година до денес, а на истите им се исплаќала плата за полно работно време без да биде обезбедена потврда за нивно присуство на работа.

9 јуни 2026

Во време кога границите во Европа ја губат својата физичка смисла, државите почнуваат да се мерат по својата културна присутност. Некои тоа го разбираат рано. Други, за жал, предоцна.
Ова е културолошка борба за културно и идентитетско позиционирање на Македонија на отворената европска сцена.
Македонската интеграција во ЕУ ќе биде поразлична од Словенија и Хрватска, затоа што нашите прашања со соседите се подлабоки. Токму затоа, нашата културна политика во овие процеси мора да биде поамбициозна, поинтелигентна, покреативна и поавтентична.
Ако ние час поскоро не создадеме културно присуство во просторот што ни припаѓа по чувство и сеќавање, некој друг ќе создаде наратив во него.
И тогаш, можеби, нема да се поставува прашањето кои сме. Туку, кој нас нè раскажал наместо нас?