Со авиони Б-2 и ракети Томахавк истрелани од подморници, САД нападна три ирански постројки за збогатување ураниум Фордоу, Натанц и Исфахан.
По извршената мисија авионите веднаш се вратиле назад а Трамп операцијата ја прогласи за „спектакуларен воен успех.“
Во нападот биле користени фамозните „пенетратори“, ѕверови тешки 13,5 тони кои можат да пробијат 30 метри бетон.
Познавачи велат дека Иран претходно веќе ги има префрлено своите ураниумски залихи на други локации.
Американскиот напад е нелегален, спротивен на меѓународното право, повелбата на Обединетите нации но и на американскиот устав кој на претседателот не му дава право да влегува во војна со други земји без одобрение на Конгресот.
„Со овој напад Америка го бетонираше сценариото по кое Иран дефинитивно ќе стане нуклеарна сила за пет до 10 години. Кога сегашниот режим ќе падне, а тоа во некој момент ќе се случи со иглед на неговата непопуларноств кај народот, тој најверојатно ќе биде заменет со уште поагресивен, националистички режим кој ќе знае дека, да имаше Иран нуклеарно оружје, немаше така блатантно да биде нападнат во 2025“.
Унгарската влада нема да го поддржи седумгодишниот буџет на ЕУ сè додека Брисел не ги деблокира сите суспендирани европски средства, порача премиерот Виктор Орбан.
Европската комисија неодамна поднесе предлог на буџетот од 2028 до 2034, тежок две милијарди долари за кој се вели дека ги приоретизира одбраната и конкурентноста на европската економија.
Последниве 15-тина години Орбан редовно се судира со Брисел околу миграциската политика и ограничувањата на правата на ЛГБТ+ заедницата. ЕУ суспендираше милијарди евра помош за Унгарија, бидејќи се одолговлекуваат недоразбирањата околу владеењето на правото.
„Ваков буџет ќе ја уништи Европската унија,“ гласеше првата проценка на Орбан на предлогот на Урсула фон дер Лајен.
Кинескиот премиер Ли Чијан предлага создавање глобална организација за соработка, координација и безбедност на развојот на вештачката интелигенција. На отворањето на Светската конференција за ВИ во Шангај, Ли ја опиша вештачката интелигенција како „нов мотор за развој“, но забележа дека секоја земја има сопствени регулативи.
„Глобалното управување со ВИ е фрагментирано. Има големи разлики во концептите за регулација и правилата. Мора да ја засилиме координацијата и да формираме глобална рамка за управување со ВИ“, изјави Ли.
Без да ги спомне САД и нивната забрана за извоз на најсовремени чипови во Кина, Ли предупреди дека ВИ може да биде „ексклузивна игра“ за неколку големи земји и компании.
На годишната конференција во Шангај, спонзорирана од кинеските власти, учествуваат истакнати експерти и лидери од светот. Меѓу говорниците се Џефри Хинтон, познат како „Кумот на ВИ“ и поранешниот директор на Гугл, Ерик Шмит. Досега редовно учествуваше и Илон Маск, но годинава нема да се обрати.
Повеќе од 800 светски компании ќе претстават 3.000 хај-тек производи, 40 големи јазични модели, 50 уреди со ВИ и 60 роботи.
