- Американскиот здравствен генералштаб, Центарот за контрола на болести реши ковид позитивните кои немаат симптоми, наместо десет, во изолација да бидат пет дена. И уште пет дена да носат маска кога се со други луѓе.
- Одлуката се објаснува со сознанијата дека пренесувањето на вирусот се врши главно во раната фаза: ден-два пред, и два-три дена откако човек ќе се разболе.
- Повикувајќи се на податоци од Јужна Африка и Британија, Центарот тврди дека ефикасноста од две дози вакцини e само 35% ама со бустер се качувала на 75%.
- Израелските напади врз јужен Либан убија најмалку седум лица, вклучувајќи две деца, само неколку часа откако се објави дека е постигнат договор за прекин на огнот.
- Ден пред договорот, Израел и Хезболах се маваа јако: загинаа 47 луѓе во Либан и четворица израелски војници.
- Инаку, двете страни рекоа дека ќе го почитуваат договорот.
- Договорот меѓу САД и Иран бара прекин на воените операции во Либан и почитување на неговиот суверенитет но ни Израел ни Хезболах не се потписници на тој договор.
- Истражувачи од израелскиот универзитет Технион успеаја првпат во реално време да регистрираат оптички фазни сингуларитети - точки на тотална темнина во сноп светлина, што се движат побрзо од самата светлина.
- Бидејќи овие точки не носат маса или информации, нивното движење не ја нарушува Ајнштајновата теорија за релативност.
- Користеле напреден електронски микроскоп и материјал (hexagonal boron nitride) за забавување на светлосните бранови (над сто пати побавно отколку во вакуум), забавување кое им дало можност да испитуваат настани кои инаку би биле пребрзи и премали за следење.
