Извршниот на Тесла предупреди дека САД наскоро можат да заличат на Венецуела ако државата продолжи да печати пари. Илон Маск се сомнева дека Бајден е главен. По него, човекот кој го мислиме за претседател на САД е под контрола на оние кои му ги пишуваат говорите. А овој чита сè што ќе му биде напишано на телепромптерот. Ко Рон Бургунди.

Под наслов „Сопругите на Азов: Нашите сопрузи беа предадени од украински предавници“ британски Телеграф го пренесува сведочењето на жените чии мажи се бореа во опколената челичарница во Мариопул.

Порачувајќи „на Украина и треба украинските херои да бидат живи“, Зеленски потврди дека над 260 украински војници од Азовстал им се предале на руските сили.

Сликите што доаѓаат од уништувањето во Украина, посебно на руското оружје и машинерија почнуваат да создаваат сомнежи околу квалитетот и издржливоста на производите на руската одбранбена индустрија, пишува кинеските медиуми.

Ал Џезира објави репортажа за бројните паркирани вагони-ладилници во кои тврди дека украинската војска ги чува телата на загинатите руски војници кои никој не ги побарал да ги подигне.

На Денот на победата, пар десетици илјади граѓани на Латвија оставија цвеќе на Паркот на слободата во Рига каде централно место има споменик од советско време. Утредента со булдожери им го собраа цвеќето но овие пак доаѓаа и пак оставаа. Властите најдоа решение: ќе го рушат споменикот. 

Странски волонтери во украинската легија, ги разбиваат сите авантуристички романтични митови околу заминување и борење во Украина, кои „без разлика колку се благородни, сепак можат ужасно да завршат“.

На прв поглед се чини дека актуелизирањето на оваа тема во Америка е јасно разбирлива по партиски линии. Меѓутоа, додека Демократите вреват дека силно ќе се спротивстават на укинувањето на абортусот, американската Шеќеринска, Ненси Пелоси, како и други партиски ајкули застануваат зад кандидат кој е многу против абортусот.

Со дeцении омразеното име на филипинскиот диктатор Фердинанд Маркос се враќа на сцена, преку неговиот истоимен син кој на претседателскитее избори го направи партал второпласираниот кандидат. А потпретседател на Филипини најверојатно ќе биде Сара Дутерте, ќерка на претседателот во заминување.

Во говор во Стразбур Макрон порача дека нема шанси во догледно време Украина да влезе во ЕУ и предложи решение кое многу мириса дека и нас ќе нè стигне - а да ви направиме ние една паралелна европска заедница, па таму да ви помагаме.

Планот на ЕУ за нов пакет санкции на Русија ќе биде повлечен и преработен откако Европската комисија не успеа да ја убеди неколку членки да дадат поддршка.

Кога дојде Бајден на власт ги објави разузнавачките документи за убиството на новинарот Џамал Кашоги, па односите меѓу САД и Саудиска Арабија се напнаа. Сега ФБИ по 20 години објави документи за вмешаноста на Саудијците во нападите од 11 септември.

Главната пандемиска догма викаше дека изолацијата спасува животи а хистерични медиуми тоа го преведоа како слободата да е смрт. Последниот извештај на СЗО за „вишокот смрт“ покажува дека равенката никогаш не беше така едноставна. Дисциплинираната Германија има повеќе вишок загубени животи од лабавата Шведска.

Меѓу разузнавачките информации со кои САД ја преплавуваат украинската војска посебно место имаат дојавите за руските генерали. Украинските власти тврдат дека до сега убиле отприлика 12 руски генерали.

Пандемијата и војната во Украина создаваат услови за „совршена бура“ на глобалната криза за храна. Ако се запостави северна Африка, ете ја Северна Африка во Европа. Ако се запостави Блискиот исток, ете го Блискиот исток во Европа. А во моментов, сето тоа се запоставува.

„Лаењето на НАТО пред вратата на Русија“ можеби доведе до инвазијата на Украина, порачал папата Франциско кој искрено не е на чисто и околу тоа дали земјите низ светот треба да продолжат да ја снабдуваат Украина со оружје.

Командата на украинската воена авијација призна дека пилотот што популарно се водеше како „Духот на Киев“ всушност е легенда измислена од украинскиот народ.

Пред 20-тина години, еден од нив бучно маваше на воените тапани и навиваше да се тргне на поход на Ирак. Другиот тврдеше дека ако се тргне заради наоѓање оружје за масовно уништување, бадијала ќе се оди зашто Садам го нема тоа. Да видиме каде се тие двајца две децении подоцна.

Најновиот бран насилство меѓу Арапите и масалитските племиња во западен Дарфур завршија со преку 200 мртви и стотици ранети. Реакцијата е рутинска кога се работи за вакви делови од светот: Обединетите нации побараа Судан да поведе истрага за случајот. А Судан го води генерал чии луѓе пред три години убија стотина мирни протестанти.

Откако ја нападна Украина, Русија ги удвостручила приходите од извоз на фосилни горива и за само два месеца наплатила 66 милијарди евра. Најголем купец е Европската унија која платила за преку 70% од рускиот извоз. Повеќе од која друга било земја купила Германија, а по неа е Италија.

Се чини дека Америка е уморна од размислување и само сака да навива. За војната во Украина дилемите се само дали им треба оружје или пак повеќе оружје. Тој што е против војната и повикува да се разгледаат сите опции, тој не стигнува до големите медиуми.

Брисел знае дека живее на позајмено време. Кога ЕУ олигархијата вели дека победата на Макрон значи дека на Франција ќе може да смета уште пет години, тоа истовремено е признавање дека можеби нема да може на неа да смета уште долго.

Ако Германија одбива да престане со купување руски гас, тогаш и таа треба да се соочи со санкции, а секој во моментов што купува германски производи ја финансира војната на Путин, порачува британски Телеграф.

Актуелниот американски претседател му соопштил на Обама дека планира пак да се кандидира на изборите за претседател во 2024. На почетокот од првиот мандат Бајден беше постар од кој било американски претседател што бил на крајот од својот мандат.