53.586 гледачи го следеле отворањето на Европското ракометно првенство меѓу Македонија и Франција во „Меркур шпил арена“, што е апсолутен рекорд за еден ракометен натпревар. Со оваа мега посетеност, срушен е рекордот од мечот меѓу Рајн Некар Левен и Хамбург, одигран во „Комерцбанк арена“ во Франкфурт 2014-та во рамките на Бундеслигата.

Пред рекорден број гледачи за еден ракометен натпревар, пред речиси 50.000 присутни, Македонија вечерва загуби на почеток на Европското првенство од ракометниот хегемон Франција 39-29.

Ако на младите надежи на Кире Лазаров им треба дополнителна мотивација за големиот настан во Германија, им најдовме видео кое се гледа во еден здив.

Стадионот на Фортуна Дизелдорф, „Меркур Шпил Арена“ денеска од 18 часот ќе влезе во историјата и ќе ги нагости Франција и Македонија на стартот на ракометното Европско првенство. Како успеаа да го прилагодат за ракометниот спектакл, ќе видите во оваа куса верзија.

24 селекции ќе бијат битка за трофејот на 16-то Европско ракометно првенство кое ќе се одржи во Германија од 10 до 28 јануари. Македонија стартува на 10-ти во 18 часот против трикратниот европски првак Франција. МТВ конечно го освежи студиото, кое изгледа навистина прекрасно.

Во фудбал се случува, ама за ракомет ова е нетипично промашување на празен гол и тоа на Аркадиуш Морито од Кјелце, кој ваква шанса со заврзани раце треба да ја реализира. За ужасот да биде поголем, Кјелце како владетел во полскиот ракомет, загуби дома од Висла Плоцк со 28:29 и ова им е замислете прв пораз на домашен терен во првенство по 2011-та или после серија од 189 меча.

Македонската ракометна репрезентација во следните 10 дена за ЕП 2024 ќе се подготвува во Стара Пазова, Војводина. Предизвикот е тежок, потребна е дополнителна мотивација, а тоа е големиот хит на Дадо Топиќ. Во група сме со Германија, Франција и Швајцарија, а стартуваме против Французите на 10 јануари.

Петар Атанасијевиќ постави нов рекорд во машкиот ракомет откако успеа да постигне, верувале или не, 32 гола на мечот против Шампион во Купот на Македонија. Еурофарм Пелистер ја доби средбата со 57:16, а левото крило му го сруши рекордот на Златко Димитровски од 31 погодок во дресот на Тиквеш против Куманово.

Еурофарм Пелистер го бележи и осмиот пораз во Лига на шампиони, овој пат од ПИК Сегед, тесно со 27:28. Но судиите направија сериозна грешка, која можеше директно да влијае на конечниот резултат. На само 3 и нешто минути до крајот, на Урош Борзаш не му признаа чист гол при резултат 25:26. На видеото јасно се гледа дека цела топка влезе по гол, а потоа излезе.

Мотивацијата да игра во родната Битола, каде ги почна првите ракометни чекори, на Филип Кузмановски му се забележи уште во првата минута и првата акција на мечот кој го отвори со гол кој се најде и во изборот на ЕХФ. Фитиљ се врати во македонскиот ракомет после четири години минати во Германија каде играше за Магдебург, Хановер и Вецлар.

Бенфика загуби од Рајн Некар 35:36 со гол со звукот на сирената, а на 20 минути до крај губеше -8 кои успеа да ги анулира. Погледнете каква комедија од погодок падна на средбата. Голманот не знаеше каде е топката.

Иако до стартот до Европското има уште два месеци и кусур, ЕХФ почна да ја загрева атмосферата, а од македонскиот национален тим објави феноменална одбрана на Митревски против Португалија, која инаку се претвори во асистенција.

По триумфот со Кјелце над Еурофарм Пелистер, Игор Карачиќ од Битола замина за Скопје за да се види со старите другари од Вардар. Провокацијата кон публиката поради која беше исклучен, ја повтори од маса.

Македонскиот репрезентативен голман Никола Митревски дефинитивно е еден од најсаканите меѓу навивачите на сите спортски секции на Порто. Нико, како што го викаат, синоќа беше најзаслужен што неговиот тим го победи ГОГ Гудме 32:31 во Лига на шампиони. Имаше дури 14 одбрани зад своето име и го избраа за играч на мечот.

Еурофарм Пелистер не може да пркне во силната група од ЛШ и во 6. коло го запиша шестиот пораз. Пречката се викаше Кјелце кој две сезони по ред игра финале. Битолчани се р`чнаа со познат Вардарец.

Ракометарите на Алкалоид стигнаа до првиот историски бод на меѓународната сцена против фаворитот Ла Риоха среде Шпанија, во второто коло од групната фаза на Европската лига. На околу 20 секунди до крај, Лазаров им даде насоки на своите ракометари како да одиграат во напад 7 на 6 и ризикот без голман се исплатеше. Александар Петковски остана сам на крило и погоди за конечни 29:29.

Битола е најракометен епицентар во земјава. Никаде овој спорт не се сака како што се сака во градот на конзулите. Доказ за тоа се шареноликите трибини на кои ќе видите возрасти од 5 до 75 години. Сите обединети околу Пелистер. Но кога се игра вечното дерби со Вардар работите излегуваат од контрола.

Само кај нас паѓаат вакви заебанции меѓу најголемите ривали. Од една страна имаш инвентивни навивачи, од другата човек без комплекси.

Женската ракометна репрезентација на БиХ помина лошо во Романија со екстра висок пораз од 49:17. Во еден момент, „се обидоа да нападнат“ и со играч повеќе. ЕХФ тоа одлично го најави на Твитер, дека ја проиграле судијката бидејќи таков е денот: Меѓународен ден на судиите.

Голманот на Македонија уште на стартот од новата сезона во ЛШ, одново остава голем белег меѓу стативите на Порто. Португалскиот тим како гостин против Целје на почетокот на вториот дел имаше негатива од 9 гола, кои успеа да ги анулира со неверојатна серија од 10:1 за победа од 29:30. Митревски блесна со клучни четири интервенции во последните 15 минути, а ЕХФ од тоа се инспирираше и го опиша на посебен начин.

Двократниот европски првак ја загуби титулата во домашното првенство минатата сезона, Пелистерци станаа шампиони и за првпат после цели 18 години заиграа во Лига на шампиони, но црвено-црните уште на стартот на новата сезона имаат 2-0 против Битолчани.

Ракометарите на Вардар како освојувачки на Купот, го освоија и Супер Купот на Македонија откако во финалето во Струмица го совладаа шампионот Пелистер со 30:26. На нешто повеќе од 3 минути до крајот, првиот Јапонец во мак ракометот, ја крена на нозе салата Парк.

Кадетите на Македонија го остварија најголемиот успех во историјата на машкиот ракомет во својата категорија. На Светското во Хрватска ја совладаа четвртата европска сила Унгарија и се изборија за дуел за 9 место. Избраниците на Раде Стојановиќ направија педантна корекција на името на државата на автобусот кој го добија од организаторот.

Двата македонски претставници во ракометната Европска лига ги дознаа противници во групната фаза, за која Вардарци сè уште се немаат изборено.