Двократниот европски првак ги запали моторите за новата сезона која им стартува против бундеслигашката пречка Рајн Некар за влез во Европа. Во Јане Сандански има многу промени.

Врвни евроголови и маестрални одбрани на едно место. Ракометната ЕХФ Лига на шампиони донесе супер возбудливи дуели сезонава која што на крај ја круниса германски Магдебург со освоена шампионска титула.

Данската телевизија ТВ 2 објави видео со делегатот на ЕХФ, Драган Начевски кој добива непристојна понуда и ја одбива на лице место. И покрај тоа, тој е суспендиран од месец мај.

22 годишниот Косуке Јашихура е првиот јапонскиот ракометар кој ќе заигра за Вардар. Пристигнува како среден бек од Полска, од тимот на Висла Плоцк, а претходно во дресот на Ним ја импресионираше француската публика со начинот на кој се реши да изведе удар од 7 метри.

Еурофарм Пелистер и Чкембари од есен ги чека голем, но и претежок ракометен празник. Извлечена е ждрепката за Лига на шампиони. Групата им е пеколна.

Европската куќа на ракометот по повод 30 години од своето постоење, ја отвори Куќата на славните во која влегоа 60 големи имиња кои оставија голем траг во ракометот. Меѓу нив и нашата најголема  легенда.

Градот Магдебург кој има околу 200.000 жители, ги пречека новите европски шампиони кои изминатиот викенд на големиот Фајнал Фор прво ја совладаа Барселона во полуфинале на пенали, а после и полски Киелце во финалето. Ова беше четврта евро титула за германскиот бундеслигаш чии играчи со отворен играч продефилирале низ центарот на градот.

Фудбалските романски циркузи се доста познати и ги имаме многу на сајт, ама треба уште да учат од ракометните. Кој знае па што се случува зад камери.

Само неколку дена откако го славеа пласманот во втората македонска фудбалска лига, Винари одновно блеснаа со ново пиротехночко шоу овој пат за РК Вардар Неготино. Ја добија најважната битка на сезоната, а тоа е бараж дуелот за опстанок во Суперлигата против Драчево. Легендарниот Петар Ангелов Диви блесна со 13 одбрани од кои 11 во првиот дел, а има 46 години.

Се спојуваа две екипи во една, вложија многу труд, инвестираа, менуваа многу тренери и играчи и на крај создадоа добар ростер кој ќе го израдува ракометниот град. Битолчани ја заслужија оваа голема радост. Нека им е честито титулата и пласманот во Лига на шампиони.

Битолски Еурофарм Пелистер убелдиво со 35-26 го совлада Тиквеш во последното коло од македонската Суперлига и ја освои шампионската титула, прва после цели 18 години кога „зелено-белите“ доминираа по домашните паркети.

По пауза од 18 години, Еурофарм Пелистер и официјално е ракометен шампион на Македонија. Славеа 28:25 на гости против Охрид, а Вардарци неочекувано кикснаа против Тиквеш во Кавадарци 32:32. Тоа значи дека битолчани по завршувањето на претпоследното коло и математички ја обезбедија титулата, која им носи директен пласман во ЛШ. Во Битола синоќа имаше големо славје. Навивачите ги пречекаа ракометарите кои пристигнаа пред полноќ.

Трофејот од ракометниот Куп на Македонија трета година по ред останува во Скопје кај тимот на Вардар кој е рекордер и го има освоено 16 пати. Играчите направија фешта во соблекувална, Талески се истураше гол со пиво, а Манасков му се обрати на тренерот Недановски со Мурињо, алудирајќи на Чкембари кои го нарекоа „ресенскиот Мурињо“.

Луди сцени ни доаѓаат од финалето на македонскиот Куп меѓу Вардар и Пелистер, кој црвено црните го добија и со тоа го одбранија пехарот. Веднаш по завршувањето на мечот настанаа турканици меѓу играчите во кои се вмеша и полицијата, а еден од полицајците го удри Филип Талески со пендрек во глава. Видеото на социјалните мрежи го објави самиот ракометар, а исто и Дејан Манасков кој праша: Зошто?

Вардарци му вратија на Алкалоид за поразот во првенство и го елиминираа во полуфиналето од Купот на Македонија со 31:22. Блесок на Дејан Манасков со 12 постигнати погодоци. Едниот од нетипична позиција за него. Вакви проектили од таму решеташе Пепи.

Вардар синоќа падна на дербито во салата Боро Чурлевски со 3 гола разлика, што значи дека титулата по долга пауза од 18 години е на дофат кај Еурофарм Пелистер кој е прв на табела. За официјално да ја освојат им преостанува во последните две кола да ги совладаат Охрид и Тиквеш. Битолчани веќе слават, а во први редови со навивачите беа и тренерите Звонко Шундовски и Александар Јовиќ.

Долгогодишното крило на македонската ракометна селекција, Гоце Георгиевски после многу извојувани битки за националниот дрес, вечерва за последен пат настапи за Македонија и заминува во заслужена репрезентативна пензија. По крајот на мечот, Георгевски кој го постигна последниот гол на мечот за триумф 30-27, соиграчите го кренаа и фрлаа еуфорично на раце додека салата го скандираше неговото име.

Македонската ракометна селекција одигра неизвесен меч со Турција во последното коло од квалификациите и со победа 30:27 удри печат на пласманот на Евро 2024 кое ќе се игра во Германија.

Македонската ракометна репрезентација ја оправда фаворитската улога против Луксембург на гости и само пораз дома со двоцифрена предност од Турција може да им го расипе патот до следниот континентален шампипонат.

Поранешниот голман на Вардар беше во центарот на вниманието на мечот од Лига Европа меѓу Фуксе Берлин и Кадетен Шафхаузен кој германскиот тим го доби со 30:24. На едниот му падна со цело тело, а другиот го поткачи со нога во глава по што падна како покосен.

РК Алкалоид има рубрика насловена како „На 7 метри со…“, во која јавноста може да дознае нешто повеќе за ракометарите. Како на пример како почнале со ракомет, кои им се идоли, како се мотивираат пред натпревар, хоби и сл. Да го чуеме пикерот Костадин Петров од Велес кој има 31 година и игра и за репрезентација.

РФМ ги изрече казните за хаосот кој настана на големото дерби. Со оглед на тоа што го видовме, куртулија сите.

Вардарци на Фејсбук го објавија цело соопштение кое го пуштиле до РФМ, откако тоа го сторија и Битолчани. Објаснуваат детално како се договарале за безбедноста во салата и посочуваат кој каде потфрлил.

РК Вардар доби шлаканица во Автокоманда од момците на Кире Лазаров кои не само што ја отворија повторно неизвесноста за титулата во домашното првенство, туку и се вклучија во битката. Македонскиот првак неочекувано загуби од Алкалоид 22:21, а решавачкиот гол го постигна Мартин Серафимов кој беше прв стрелец на мечот со 7 гола, исто колку што постигна Манасков во поразениот тим.